«بايقا, بالاقاي!» شاراسى اياسىندا استانانىڭ كەيبىر جاياۋ وتكىنشىلەر جولى سارى تۇسكە بويالدى
«بايقا, بالاقاي!» جەدەل-الدىن الۋ شارالارى اياسىندا استانا قالاسىنىڭ كەيبىر جاياۋ وتكىنشىلەر جولى العاش رەت سارى تۇسكە بويالدى.
ساراپشىلاردىڭ پىكىرىنشە, اشىق ءتۇستى كيىم كيگەن جاياۋ ادامدى جۇرگىزۋشىلەر 150 مەتر قاشىقتىقتان كورە الادى ەكەن. كەشكىلىك ۋاقىتتا كوشەگە شىققان بالالارعا جول ساقشىلارى قانىق ءوڭدى كيىم كيگىزۋدى ۇسىناتىندارى سوندىقتان. وسىنى ەسكەرگەن استانا قالاسى ىشكى ىستەر دەپارتامەنتى اكىمشىلىك پوليتسيا باسقارماسى بالالار اراسىنداعى جول-كولىك وقيعالارىنان جاراقات الۋدى ازايتۋ ماقساتىندا جاياۋ جۇرگىنشىلەر جولاعىنا قانىق سارى ءتۇستى قوسىپ وتىر.
بۇل جوبا م.وتەمىسۇلى اتىنداعى وقۋشىلار سارايى ماڭايىنداعى ءا.بوكەيحان كوشەسىنىڭ تۇسىندا ەنگىزىلدى. استانا قالاسى ءىىد اكىمشىلىك پوليتسيا باسقارماسىنىڭ باسشىسى بەرىك جولداسبەكوۆتىڭ ايتۋىنشا, ۇيرەنشىكتى الا جولاققا جۇرگىزۋشىلەردىڭ كوزى ابدەن ۇيرەنگەن. ال بۇرىن بولماعان سارى الا جولاق جۇرتشىلىقتىڭ نازارىن ەرەكشە اۋدارادى.
«بۇل جاياۋ جۇرگىنشىلەر جولىندا بولاتىن اپاتتى ازايتۋعا سەپتىگىن تيگىزەتىنى ءسوزسىز» دەيدى ول.
مۇنداي جول بەلگىلەرى الداعى ۋاقىتتا بالالار كوپ جۇرەتىن ماڭايعا, مەكتەپتەردىڭ, بالاباقشالاردىڭ جانىندا ورناتىلاتىن بولادى.
قىمبات توقتامۇرات
