ە.راحماديەۆ اتىنداعى مەملەكەتتىك اكادەميالىق فيلارمونيا جانە ع.جۇبانوۆا اتىنداعى مەملەكەتتىك ىشەكتى اسپاپتار كۆارتەتى «باتىس-شىعىس: مۋزىكالىق پاراللەلدەر» كەشىن ۇسىندى. كونتسەرت «استانا وپەرا» تەاترىنىڭ ك.بايسەيىتوۆا اتىنداعى كامەرالىق زالىندا ءوتتى.
كەش باعدارلاماسى يوزەف گايدن, فەليكس مەندەلسون, ارمان جايىم وڭدەگەن نۇرعيسا تىلەنديەۆتىڭ «اققۋ» شىعارماسىنان تۇردى. يوزەف گايدن ىشەكتى كۆارتەتكە ارنالعان 80-نەن استام شىعارما جازىپ, وسى جانردىڭ نەگىزىن قالادى, بۇكىل شىعارماشىلىق جولىن وسى جانرعا ارنادى.
كۆارتەت جانرى فەليكس مەندەلسوندى دا قىزىقتىرىپ, 12 جاسىندا ول كۆارتەتكە فۋگالار جازدى. جيىرما جاسىندا №1 ىشەكتى كۆارتەتتى تۋىنداتتى. ال «قىز جىبەك» فيلمىندە اسپانداعى اققۋدى «اققۋ» كۇيىمەن كولگە قوندىرىپ, ويناق سالدىرعان نۇرعيسا تىلەنديەۆتىڭ بۇل شىعارماسى مۋزىكانىڭ قۇدىرەتىن پاش ەتەدى.
ع.جۇبانوۆا اتىنداعى مەملەكەتتىك ىشەكتى اسپاپتار كۆارتەتىنىڭ كوركەمدىك جەتەكشىسى – قازاقستاننىڭ ەڭبەك سىڭىرگەن قايراتكەرى ەرنار مىڭتاەۆ (ۆيولونچەل). ۇجىم قۇرامىندا ايدار توقتاليەۆ ء(بىرىنشى سكريپكا), الەكسەي لەبەدەۆ (ەكىنشى سكريپكا) جانە بەكزات سايلاۋبايۇلى (الت) بار.
