ەلوردادا قالالىق ءبىلىم باسقارماسىنىڭ القا وتىرىسى ءوتتى. وندا 2022 جىلدىڭ قورىتىندىسى مەن 2023 جىلعا ارنالعان جوسپار تۋرالى ايتىلدى. شاراعا استانا قالاسى اكىمىنىڭ ورىنباسارى ەسەت بايكەن, ءبىلىم باسقارماسىنىڭ باسشىسى قاسىمحان سەنعازىەۆ, وقۋ-اعارتۋ مينيسترلىگى ءبىلىم سالاسىندا ساپانى قامتاماسىز ەتۋ كوميتەتى استانا قالاسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى گۇلباقىت سەرىكجانقىزى, استانا قالاسى بويىنشا بالا قۇقىقتارى جونىندەگى ۋاكىل ءاسيما بيمەندينا جانە ءبىلىم بەرۋ ۇيىمدارىنىڭ باسشىلارى, مۇعالىمدەر قاتىستى.
القا وتىرىسىندا العاش بولىپ ءبىلىم باسقارماسىنىڭ باسشىسى بايانداما جاسادى. ول ەلورداداعى ءبىلىم بەرۋ ساپاسىنا توقتالىپ, 2023 جىلعا ارنالعان جوسپاردى, ونىڭ شەڭبەرىندە اتقارىلاتىن ءىس-شارالارمەن ءبولىستى. بيىل تاربيەشىلەردى بىلىكتىلىگىن ارتتىرۋ كۋرسىنان وتكىزۋگە, اپاتتى جانە ءۇش اۋىسىمدى مەكتەپتەردى جويۋعا ەرەكشە نازار اۋدارىلاتىنىن اتاپ ءوتتى.
بيىل بالاباقشالارداعى ورىنداردى ۇلعايتۋ ماقساتىندا جەكەمەنشىك مەكتەپكە دەيىنگى ۇيىمداردا 8000 ورىنعا مەملەكەتتىك تاپسىرىس ورنالاستىرىلادى. سونىمەن قاتار تۇرعىن ءۇي كەشەندەرىنىڭ ءبىرىنشى قاباتىندا قادامدىق قولجەتىمدىلىك قاعيداتى بويىنشا 200 ورىنعا ارنالعان بالاباقشالار جەلىسى اشىلادى.
«بىلتىر بالاباقشا تاربيەشىلەرىنىڭ 120 پەداگوگى قايتا دايارلاۋ كۋرسىن جانە 641 پەداگوگ بىلىكتىلىگىن ارتتىرۋ كۋرسىنان ءوتتى. 2023 جىلى مەكتەپكە دەيىنگى ءبىلىم بەرۋ پەداگوگتارىنا ارنالعان بىلىكتىلىكتى ارتتىرۋ كۋرسىنان جالپى 1012 تاربيەشى وتەدى. 2025 جىلعا دەيىن بەيىندى ءبىلىمى بار تاربيەشىلەردىڭ ۇلەسىن كەزەڭ-كەزەڭىمەن 100 پايىزعا جەتكىزەتىن بولامىز» دەدى ق.سەنعازىەۆ.
باسقارمانىڭ اقپاراتىنا سايكەس, 2023 جىلى 34 بالاباقشاداعى شاعىن ساۋلەت نىساندارى اۋىستىرىلادى. 2025 جىلعا دەيىن بالاباقشالارداعى شاعىن ساۋلەت نىساندارى 100 پايىز جاڭارتىلادى.
2023 جىلى تەحنيكالىق جانە كاسىپتىك ءبىلىم بەرۋ ۇيىمدارىنا 1400 ورىنعا پەداگوگيكا ماماندىقتارى بويىنشا مەملەكەتتىك ءبىلىم بەرۋ تاپسىرىسى ورنالاستىرىلادى. 2022 جىلى 3077 پەداگوگ بىلىكتىلىكتى ارتتىرۋ كۋرسىنان وتسە, 2023 جىلى 5481 پەداگوگ كۋرستان وتەتىن بولادى.
بيىل مەكتەپتەردە كوركەم ادەبيەت قورىن ۇلعايتۋ ماقساتىندا بيۋدجەتتەن 100 ملن تەڭگە بولىنەدى. كىتاپحانالاردىڭ ينتەرەرىن قايتا جاڭعىرتۋ بويىنشا جۇمىس جالعاسۋدا. بۇگىنگى تاڭدا قالانىڭ 36 مەكتەبىندە كىتاپحانالار زاماناۋي جابدىقتالدى. ەلوردالىق 46 مەكتەپتە وقىرماندارعا ارنالعان كوۆوركينگ (سoworking) ايماقتارى اشىلدى. 2023 جىلدىڭ 2 توقسانىنىڭ سوڭىنا دەيىن 19 مەكتەپ كىتاپحانالارىنىڭ ينتەرەرى (رەديزاين) جاڭارتىلىپ, جاڭا كوۆوركينگ ورتالىقتارى اشىلادى.
2022 جىلى 41 مەكتەپكە 64 پاندىك كابينەت ساتىپ الۋ ارقىلى مەكتەپتەردىڭ 70,3 پايىزى جاڭارتىلعان پاندىك كابينەتتەرمەن جابدىقتالدى. 2023 جىلى 22 مەكتەپكە 29 پاندىك كابينەت ساتىپ الىنادى.
بيىل دا قوسىمشا ءبىلىم بەرۋ ۇيىمدارىنىڭ جەلىسىن دامىتۋ بويىنشا جۇمىس قارقىندى جالعاسادى. 2023 جىلى قالامىزدا 2000-نان استام وقۋشىنى قامتيتىن 1 وقۋشىلار سارايى ىسكە قوسىلادى. قوسىمشا ءبىلىم بەرۋ ۇيىمدارىنا 1364 ورىنعا مەملەكەتتىك تاپسىرىس ورناتىلادى.
2022 جىلى ينكليۋزيۆتى ءبىلىم بەرۋ بويىنشا مەملەكەتتىك تاپسىرىس 2021 جىلمەن سالىستىرعاندا 12 ورىننان 97 ورىنعا دەيىن ۇلعايتىلدى. «ءبىلىمدى ۇلت» ساپالى ءبىلىم بەرۋ» ۇلتتىق جوباسىن ىسكە اسىرۋ اياسىندا مەملەكەتتىك ءبىلىم بەرۋ تاپسىرىسى 4800 ورىننان 7300 ورىنعا دەيىن ۇلعايدى. بۇل كورسەتكىش 2023 جىلى 8500 ورىنعا دەيىن كوبەيەدى.
