جىلدىڭ باسىنان بەرى 3 مىڭنان استام ينتەرنەت-الاياقتىق فاكتىلەرى انىقتالدى. الاياقتار ارەكەتتەرىنىڭ سالدارىنان ازاماتتارعا 4 ملرد تەڭگەدەن استام شىعىن كەلتىرىلدى. بۇل تۋرالى قر ءىىم كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي وكق الاڭىندا ايتتى, دەپ حابارلايدى astana-akshamy.kz
«بيىل 1 مىڭنان استام وسىنداي قىلمىس تىركەلدى. الاياقتاردىڭ قۇربانى بولماۋ ءۇشىن سىزگە بىرىنشىدەن, تەكسەرىلگەن جارناما سايتتارىن پايدالانۋ قاجەت. ەكىنشىدەن, تاۋاردى العاننان كەيىن تولەم تۋرالى كەلىسۋ قاجەت. ۇشىنشىدەن, تاۋاردىڭ بار ەكەنىنە كوز جەتكىزۋ قاجەت, ونىڭ ىشىندە بەينە قوڭىراۋ ارقىلى. ەگەر ساتۋشى باسقا قالادا بولسا, ءوزىڭىزدىڭ تانىستارىڭىز نەمەسە تۋىستارىڭىزدان تاۋاردى الۋدى, تەكسەرۋدى سۇراۋ قاجەت», – دەدى سپيكەر.
سوڭعى ۋاقىتتا بانكتەر, قۇقىق قورعاۋ جانە باسقا دا مەملەكەتتىك ورگان قىزمەتكەرلەرىنىڭ اتىنان قوڭىراۋ شالۋ جيىلەپ كەتتى. بايلانىس وپەراتورلارى 44 ميلليوننان استام وسىنداي قوڭىراۋدى توقتاتتى. بۇل تۋرالى قر ءىىم كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي ايتتى.
«اقشانىڭ ساقتالۋىن قامتاماسىز ەتۋ ءۇشىن الاياقتار ازاماتتاردى اقشانى شوتتان نەمەسە دەپوزيتتەن قاۋىپسىز شوتقا اۋدارۋعا كوندىرەدى, ول كەيىننەن ۇرلانعان اقشانى ودان ءارى اۋدارۋ نەمەسە قولما-قول اقشاعا اينالدىرۋ ءۇشىن قولدانىلادى», – دەدى ۆەدومستۆو وكىلى.
