الداعى 2015 جىل ۇلى وتان سوعىسىنداعى جەڭىستىڭ 70 جىلدىعى جانە تمد ەلدەرىندە ارداگەرلەر جىلى بولىپ اتالىپ وتىلمەك.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ بۇكىل ەلىمىز بويىنشا جاڭا جىل قارساڭىندا, اتاپ ايتقاندا, 26 جەلتوقسان مەن 30 جەلتوقسان ارالىعىندا ۇلى وتان سوعىسىنىڭ ارداگەرلەرىن قولداۋ جونىندەگى جالپىۇلتتىق بىرەگەي اكتسيا وتكىزۋ باستاماسىن جاريالاعان بولاتىن. وسىعان وراي رەسپۋبليكامىزدا تۇراتىن 5115 سوعىس ارداگەرىنىڭ ارقايسىسىنا وبلىس, قالا جانە اۋدان اكىمدەرى ارنايى بارىپ قۇتتىقتاپ, مەملەكەت باسشىسى اتىنان جاڭاجىلدىق سىيلىقتار تاپسىردى.
سونىمەن قاتار, قازاقستان پرەزيدەنتىنىڭ تاپسىرماسىمەن ۇلى وتان سوعىسىنداعى جەڭىستىڭ 70 جىلدىعىن مەرەكەلەۋ جونىندەگى ارناۋلى ءىس-شارالار جوسپارى بەكىتىلدى. 2015 جىلعى 7 مامىر – وتان قورعاۋشىلار كۇنى مەملەكەت باسشىسىنىڭ قاتىسۋىمەن مەرەيتويلىق سالتاناتتى ءاسكەري شەرۋ وتكىزۋ جوسپارلانۋدا.
