ەلوردانىڭ ماحامبەت وتەمىسۇلى اتىنداعى وقۋشىلار سارايىندا مەكتەپ جاسىنا دەيىنگى بالالارعا ارنالعان «ەلوردانىڭ ەركەتايى» قالالىق بايقاۋى ءوتتى. جەكەمەنشىك بالاباقشا بۇلدىرشىندەرى اراسىندا العاش رەت ۇيىمداستىرىلعان ونەر دوداسىنا 100-گە جۋىق بالا قاتىستى.
«استانا دارىنى» دارىندى بالالار مەن تالانتتى جاستاردى انىقتاۋ جانە قولداۋ ورتالىعى مەن قالالىق ءبىلىم باسقارماسى ۇيىمداستىرعان بايقاۋعا 5-6 جاس ارالىعىنداعى بوبەكتەر قاتىسىپ, 4 اتالىم بويىنشا باق سىنادى. ىرىكتەۋدە «ۆوكالدىق توپ», «ۆوكال», «حورەوگرافيا» جانە «بالالار مۋزىكالىق اسپاپتارىندا ويناۋ» نوميناتسيالارى بويىنشا 140 بەينەماتەريال قارالدى. ناتيجەسىندە 74 ونەر شىعارماسى ىرىكتەۋدەن ءوتتى.
«ەلوردا ەركەتايى» بايقاۋىنىڭ ەرەكشەلىگى – بيىل جەكەمەنشىك بالاباقشالاردىڭ مەكتەپالدى دايارلىق توپتارى اراسىندا تۇڭعىش رەت وتكىزىلۋىندە. مۇنداي بايقاۋلار جاس ورەندەردى شىعارماشىلىقپەن اينالىسۋعا, ساحناعا شىعۋعا باۋلىپ قانا قويماي, تالانتتى بۇلدىرشىندەردى انىقتاۋىمەن ماڭىزدى سانالادى. سوندىقتان اتالمىش بايقاۋ كەلەسى جىلى دا جالعاسىن تابادى» دەدى ءوز سوزىندە «استانا دارىنى» دارىندى بالالار مەن تالانتتى جاستاردى انىقتاۋ جانە قولداۋ ورتالىعىنىڭ ديرەكتورى جانار بەيسەنباەۆا.
«بالالار مۋزىكالىق اسپاپتارىندا ويناۋ» نوميناتسياسىندا بالاباقشادان 8 قاتىسۋشى قاتىسىپ, «تەپەڭكوك» كۇيىن شەرتتى. مۇنداي سايىستاردىڭ ءجيى وتكىزىلگەنى دۇرىس. بالالار ءتۇرلى ۇلتتىق اسپاپتا ويناۋ ارقىلى جاسىنان ۇلتتىق قۇندىلىقتارىمىزبەن سۋسىنداپ وسەدى» دەدى اتالمىش بالاباقشا تاربيەشىسى انار سمايىلوۆا.
قازىلار القاسىنىڭ شەشىمىمەن قالالىق ونەر بايقاۋىنىڭ 4 نوميناتسياسى بويىنشا جەڭىمپازدار مەن جۇلدەگەرلەر انىقتالدى. اتاپ ايتساق, «ۆوكالدىق توپ» اتالىمىندا «Baibala» بالاباقشاسى, «ۆوكال» اتالىمىندا «Liitle Harvard» بالاباقشاسى, سونداي-اق «حورەوگرافيا» اتالىمى بويىنشا «اياۋلىم-2» جانە «بالالار مۋزىكالىق اسپاپتارىندا ويناۋ» اتالىمى بويىنشا «باقىتتى بالا IQ» بالاباقشاسى باس جۇلدەگە لايىق دەپ تانىلدى. قاتىسۋشى بالدىرعاندار العىس حاتپەن ماراپاتتالىپ, ەستەلىك سىيلىقتار تابىستالدى
