ەلوردانىڭ يگىلىگى ءۇشىن

استانا كۇنى مەرەكەسىنە ارنالعان «ەلوردانىڭ يگىلىگى ءۇشىن» جوباسى باستالدى.

ايتۋلى جوبانىڭ العاشقى شاراسىنا قازاقستان حالقىنىڭ اسسامبلەياسى, قالالىق ارداگەرلەر كەڭەسى جانە جاستاردىڭ قوعامدىق ۇيىمدارى قاتىستى. اتالعان ۇيىمداردىڭ بەلسەندىلەرى «استانا-كوگالداندىرۋ» كاسىپورنىنىڭ قولداۋىمەن ەسىل وزەنى جاعالاۋىنداعى ش.قالداياقوۆ كوشەسىندە «دوستىق ساياجولىنا» 150 جاس كوشەت وتىرعىزدى.

– استانا قالاسىنىڭ اكىمدىگى ىزگىلىك پەن قايىرىم­دىلىققا باعىتتالعان قانداي دا بولسىن قوعامدىق باستامالاردى قولداۋعا دايىن. وسى ورايدا «دوستىق ساياجولى» اكتسياسى استانا كۇنى مەرەكەسىنە ارنالعان شارالاردىڭ جاقسى باستاماسى بولىپ وتىر.

وسى ورايدا, استانامىزدىڭ يگىلىگى ءۇشىن وتكىزىلەتىن بارلىق ىزگىلىكتى ىستەرگە قالا تۇرعىندارىنىڭ بەلسەندى قاتىسۋعا شاقىرامىز, – دەپ اتاپ ءوتتى استانا قالاسى ىشكى ساياسات باسقارماسىنىڭ باسشىسى بولات تىلەپوۆ.

استانا كۇنى مەرەكەسىنە ارنالعان «ەلوردانىڭ يگىلىگى ءۇشىن» جوباسى اياسىندا ءالى دە كوپتەگەن قوعامدىق شارالار ۇيىمداستىرۋ كوزدەلىپ وتىر.