كەشە مەملەكەت باسشىسى قاسىم-جومارت توقاەۆ ەرەۆان قالاسىنا جۇمىس ساپارىمەن باردى. بۇل تۋرالى پرەزيدەنتتىڭ ءباسپاسوز قىزمەتى حابارلادى.
قازاقستان باسشىسىن ارمەنيا پرەمەر-مينيسترى نيكول پاشينيان «دۆين» كەشەنىندە قارسى الدى.
مەملەكەت باسشىسى ۇقشۇ-نىڭ الدىن الا بەكىتىلگەن جۇمىس جوسپارىنا ساي وتەتىن ۇجىمدىق قاۋىپسىزدىك كەڭەسىنىڭ وتىرىسىنا قاتىسادى. كەڭەس وتىرىسىندا ۇجىمدىق قاۋىپسىزدىك شارتى تۋرالى ۇيىمىنا مۇشە مەملەكەتتەردىڭ باسشىلارى بۇگىنگى تاڭداعى وزەكتى سانالاتىن ماسەلەلەردى تالقىلايدى.
سامميت جۇمىسىنا قازاقستان پرەزيدەنتى قاسىم-جومارت توقاەۆ, ارمەنيا پرەمەر-مينيسترى نيكول پاشينيان, رەسەي فەدەراتسياسىنىڭ پرەزيدەنتى ۆلاديمير پۋتين, بەلارۋس باسشىسى الەكساندر لۋكاشەنكو, قىرعىز رەسپۋبليكاسىنىڭ پرەزيدەنتى سادىر جاپاروۆ, تاجىكستان رەسپۋبليكاسىنىڭ پرەزيدەنتى ەمومالي راحمون قاتىسۋدا.
ارمەنيا پرەمەر-مينيسترى نيكول پاشينيان ۇقشۇ-نىڭ ەرەۆانداعى سەسسياسىنىڭ اشىلۋى كەزىندە ۇجىمدىق قاۋىپسىزدىك شارتى ۇيىمىنىڭ (ۇقشۇ) باس حاتشىسى بولىپ يمانعالي تاسماعامبەتوۆ تاعايىندالعانىن ءمالىم ەتتى.
