استانا اكىمى التاي كولگىنوۆ قالادا سالىنىپ جاتقان گاز جىلۋ ستانتسيالارىنىڭ قۇرىلىسىمەن تانىستى.
– ەلوردادا جىلۋ بەرۋ ماۋسىمى شامامەن 7 ايعا سوزىلاتىنىن ەسكەرە وتىرىپ, جىلۋمەن جابدىقتاۋ نىساندارىنىڭ قۋاتىن ارتتىرۋ ءۇشىن ءتيىستى جۇمىس ءجۇرىپ جاتىر. وسىعان دەيىن ءبىز گاز جىلۋ ستانتسيالارىن سالۋعا كىرىستىك. گاز جىلۋ ستانتسيالارى قالا ەكولوگياسىنا وڭ اسەر ەتەدى, ويتكەنى جەو سياقتى اتموسفەراعا زياندى زاتتاردىڭ شىعارىندىلارى جوق, سول سياقتى ولاردىڭ قۋاتى جەو قۋاتىنان اسىپ تۇسەدى, – دەدى اكىم.
قالا باسشىسىنىڭ ايتۋىنشا, ەكى گاز جىلۋ ستانتسياسىنىڭ («تۇران», «وڭتۇستىك-شىعىس») قۇرىلىسى كەلەسى جىلى اياقتالادى. ولار كەلەسى جىلىتۋ ماۋسىمىنان باستاپ جۇمىس ىستەي باستايدى. ولاردىڭ قۋاتى 800 مەگاۆاتتان اسادى, بۇل جىلۋ بەرۋدىڭ قازىرگى قۋاتىن ارتتىرىپ قانا قويماي, قۇرىلىسى ءجۇرىپ جاتقان اۋدانداردى جىلۋمەن قامتۋعا مۇمكىندىك بەرەدى.
– كەلەسى كەزەڭدە ءبىز ءۇشىنشى گاز جىلۋ ستانتسياسىن ىسكە قوسامىز. گاز جىلۋ ستانتسيالارى قورعالجىن تاس جولىنىڭ بويىندا, جاڭا تەمىرجول ۆوكزالى ماڭىندا جانە «تەلمان» ەلدى مەكەنىندە ورنالاسقان. «تۇران» گاز جىلۋ ستانتسياسى قورعالجىن تاس جولى, تۇران داڭعىلى بويىنداعى جانە ت.ب. قۇرىلىسى قارقىندى ءجۇرىپ جاتقان اۋدانداردى جىلۋمەن قامتاماسىز ەتۋگە مۇمكىندىك بەرەدى. «وڭتۇستىك-شىعىس» گاز جىلۋ ستانتسياسى «مىڭجىلدىق» اۋدانىن, جاڭا تەمىرجول ۆوكزالىن, سول سياقتى قۇرىلىسى ءجۇرىپ جاتقان اۋدانداردى جانە ت.ب. جىلۋمەن قامتاماسىز ەتەدى. «تەلمان» گاز ستانتسياسى «باعىستان»تۇرعىن ءۇي كەشەنى, ۇلى دالا داڭعىلى, «تەلمان» ەلدى مەكەنى جانە ت.ب. اۋدانداردا قۇرىلىسى ءجۇرىپ جاتقان ورىنداردى جىلۋمەن قامتاماسىز ەتۋگە مۇمكىندىك بەرەدى, – دەدى التاي كولگىنوۆ.
اكىمنىڭ مالىمەتىنشە, وسىعان دەيىن جاڭا اۋىزسۋ ستانتسياسىنىڭ قۇرىلىسى باستالعان. نىسان وسى جىلدىڭ سوڭىنا قاراي ءىشىنارا پايدالانۋعا بەرىلىپ جاتىر. ونىڭ تولىق اياقتالۋى – 2023 جىل. بۇگىندە قالا تاۋلىگىنە 300 مىڭ تەكشە مەتر سۋ تۇتىنادى. جاڭا سسس-3 قۋاتى تاۋلىگىنە 100 مىڭ تەكشە مەتردەن استام سۋ بەرەدى.
