«قازپوشتا» اكتسيونەرلىك قوعامىنىڭ «استانا پوشتامتى» ەلوردالىق فيليالى «باسپاسوزگە جازىلۋشىلار كۇنى» ءىس-شاراسىن وتكىزدى.
جىل سايىن حالىقارالىق پوشتا كۇنىنە وراي ۇيىمداستىرىلاتىن ءىس-شاراعا گازەت-جۋرنال وكىلدەرى قاتىسىپ وقىرماندارعا العىستارىن جەتكىزىپ, تىلەكتەرىن ءبىلدىردى. وقىرماندار ءباسپاسوز جەتەكشىلەرىمەن, سونداي-اق جۋرناليستەرمەن تىكەلەي تىلدەسىپ, ءوز ويلارىمەن ءبولىستى. ال ەلوردالىق پوشتا قىزمەتكەرلەرى وقىرماندار ءۇشىن ۆيكتورينالىق ويىن وتكىزىپ, كەلۋشىلەردىڭ كوڭىلىن كوتەردى.
«ەگەمەن قازاقستان», «كازاحستانسكايا پراۆدا», «استانا اقشامى», «ۆەچەرنيايا استانا», «ايقىن», «ليتەر», «كاراۆان», «ءتورتىنشى بيلىك» جانە باسقا دا گازەت-جۋرنال وكىلدەرى ءوز باسىلىمدارىنا جازىلعان وقىرماندارىنا ءوز سىي-سياپاتتارىن ۇسىنىپ, العىستارىن ءبىلدىردى.
سونداي وقىرماننىڭ ءبىرى بورانباي بايباتىروۆ «استانا اقشامى» گازەتى جايلى ويىن ورتاعا سالدى.
«بۇل گازەت دەگەن, بىلە بىلگەنگە, جان ازىعى عوي. وزىمە ۇنايتىن گازەتتىڭ ءبىرى – «استانا اقشامى» گازەتى. بۇل باسىلىمدا تەك قانا ەلوردامىزدىڭ تىنىس-تىرشىلىگى جازىلىپ قويماي, ەلدىك, ۇلتتىق ماسەلەلەر ءجيى كوتەرىلەدى. اسىرەسە, «ۇلت ۇپايى», «ماسەلە», «ساراپتاما» ايدارلارىمەن بەرىلەتىن ماقالالار وقىرماننىڭ كوڭىلىنەن شىعاتىنى ءسوزسىز. الداعى ۋاقىتتا دا گازەتتىڭ شىعارماشىلىعى ارتا تۇسۋىنە تىلەكتەسپىن» دەيدى ريزاشىلىق سەزىمىن بىلدىرگەن باۋىرجان قايىرجانۇلى.
قۇرمەتتى وقىرمان, مەرزىمدى باسىلىمعا جازىلۋعا ساناۋلى عانا كۇندەر قالدى. الداعى جىلى سۇيىكتى گازەتىڭىزبەن بىرگە بولعىڭىز كەلسە, تەزىرەك جازىلىپ قويىڭىزدار دەمەكپىز.
