استانا اكىمدىگىندە جاڭادان سالىناتىن حالىقارالىق مەكتەپتەرگە قاتىستى بىرنەشە مەموراندۋمعا قول قويىلدى. اتالمىش شاراعا قالا اكىمى باقىت سۇلتانوۆ پەن ءباا-ءنىڭ قازاقستانداعى توتەنشە جانە وكىلەتتى ەلشىسى موحاممەد احماد الدجابەر قاتىستى.
2023 جىلعا دەيىن استانادا وقۋشى سانى 123 مىڭ بالاعا كوبەيەتىنىن بۇعان دەيىن جازعان ەدىك. ەلوردا مەكتەپتەرىندە جىل سايىن وقۋشىلار سانى ورتاشا العاندا 15-18 مىڭ ادامعا ارتاتىنىن ەسكەرسەك, ءدال قازىرگى ۋاقىتتا ءبىلىم سالاسىنا قاتىستى بالالاردى 100 پايىز مەكتەپپەن قامتۋ ماسەلەسى تۇر.
– حالىقتىڭ الەۋمەتتىك جاعدايىن كوتەرۋدىڭ ءبىر تەتىگى – ءبىلىم بەرۋ سالاسى. بۇل تۋرالى ەلباسى دا ءوز سوزىندە ايتىپ ءوتتى. استانا حالقى جىل ساناپ ءوسىپ كەلەدى, وسى تۇرعىدا مەكتەپ ماسەلەسى دە ماڭىزدى. ءبىز الداعى 5 جىل كولەمىندە تاعى 120 مىڭ وقۋشىنى قامتاماسىز ەتۋدى قولعا الىپ وتىرمىز. ونىڭ ىشىندە 20 مىڭ وقۋشىعا ارنالعان جەكەمەنشىك مەكتەپ سالۋ ەسەبىنەن جۇزەگە اسىرىلادى. بۇل جۇمىستار وتاندىق جانە شەتەلدىك ينۆەستورلاردىڭ كومەگىمەن ىسكە اسىرىلادى, – دەدى كەزدەسۋدە باقىت سۇلتانوۆ. قالا باسشىسى اتالعان جوبالاردى جۇزەگە اسىرۋعا ينۆەستيتسيالىق قولداۋ كورسەتىپ وتىرعان موحاممەد احماد الدجابەر باستاعان ءباا مەملەكەتىنىڭ دەلەگاتتارىنا ءوز العىسىن ءبىلدىردى.
جيىندا كەلەسى قول قويىلعان قۇجات – «SABIS» حالىقارالىق مەكتەبىن سالۋ جونىندەگى مەموراندۋم. وعان استانا قالاسى اكىمدىگى, قر سىرتقى ىستەر مينيسترلىگى ينۆەستيتسيا جونىندەگى كوميتەتى مەن مەكتەپ ديرەكتورلارى قول قويدى. «اتالمىش قۇجاتقا سايكەس, استانادا حالىقارالىق «SABIS» مەكتەپ جەلىسىنىڭ فيليالى سالىنادى. سونداي-اق بۇل جوبا – جەكەمەنشىك مەكتەپتەر ەسەبىنەن ورتا ءبىلىم بەرۋ ورنىنىڭ تاپشىلىعىن شەشۋدىڭ ءبىر جولى. بۇگىندە ەلوردادا 12 جەكەمەنشىك مەكتەپ بار. اكىمدىك جانە «SABIS» حالىقارالىق مەكتەپ جەلىسىنىڭ اراسىندا جاسالعان ەكىجاقتى كەلىسىم نەگىزىندە ينۆەستيتسيا ارقىلى تاعى باسقا دا جالپى ءبىلىم بەرۋ مەكتەبىن سالۋ جوسپارلانۋدا» دەيدى استانا قالاسى اكىمىنىڭ ورىنباسارى ماليكا بەكتۇروۆا. ونىڭ ايتۋىنشا, مەموراندۋم نەگىزىندە سالىناتىن مىڭ بالاعا ارنالعان مەكتەپ پەن 250 ورىندى بالاباقشا قالاداعى ورىن تاپشىلىعى ماسەلەسىن ازايتۋعا سەپتىگىن تيگىزەدى. سونداي-اق 200 جاڭا جۇمىس ورنى پايدا بولادى. ايتا كەتەرلىگى, «SABIS» حالىقارالىق مەكتەبى الەمنىڭ 20 ەلىندە قىزمەت ەتەدى ەكەن. وزىق تاجىريبەلى ءبىلىم وشاعىنىڭ اتالعان ەلدەردە 132 مەكتەبى بار, بۇگىندە 70 مىڭداي شاكىرت تاربيەلەۋدە.
مەموراندۋم نەگىزىندە سالىناتىن ءبىلىم وشاقتارى, اتاپ ايتقاندا, «SABIS» حالىقارالىق مەكتەبى جانە بالاباقشاسىن سالۋدىڭ ءبىرىنشى كەزەڭى 2019-2021 جىلدار ارالىعىندا جۇزەگە اسىرىلادى. جوبانىڭ جالپى قۇنى – 15,5 ملن اقش دوللارى. ال ەكىنشى كەزەڭى 2022-2023 جىلى جۇرگىزىلەدى. جوبانىڭ جالپى قۇنى 10 ملن اقش دوللارى بولماق.
ال قۇنى 20 ملن اقش دوللارى بولاتىن «KINDERWORLD KAZAKHSTAN» اتتى سينگاپۋر مودەلىنە سايكەس ءبىلىم بەرۋ ورتالىعىن قۇرۋدى جۇزەگە اسىرۋ مەرزىمى 2019-2021 جىلدار دەپ بەلگىلەندى. سول سياقتى وسى جىلدار ارالىعىندا قۇنى 3,5 ملرد تەڭگەنى قۇرايتىن «Alpamys» جەكە مەكتەبىن اشۋ, جوباسى 5,5 ملرد تەڭگە بولاتىن «Tamos Education» جەكە مەكتەبى, سونداي-اق 900 وقۋشىعا ارنالعان, قۇنى 1,2 ملرد تەڭگە تۇراتىن «CA GARDEN SCHOOLS» اتتى جالپى ءبىلىم بەرۋ جانە «MATH-LANGUAGE «SEED SCHOOL» مەكتەبىن سالۋ جوسپاردا بار. مونتەسسوري «جۇلدىز» ءبىلىم بەرۋ مەكتەبىن تۇرعىزۋعا 500 ملن تەڭگە جۇمسالاتىنى ايتىلدى. وندا 150 وقۋشى مەن 350 مەكتەپالدى ءبىلىم الۋشىلارعا ارنالعان ورىن بولادى.
