استانانىڭ دەموگرافيالىق احۋالى جىل سايىن جاقسارىپ كەلەدى. وزگە قالادان قونىس اۋداراتىنداردىڭ كوپتىگىن ايتپاعاندا, كۇنىنە ەلوردا پەرزەنتحانالارىندا 70-80 ءسابي دۇنيە ەسىگىن اشادى.
قالا ەمحانالارىنا جىلىنا ورتا ەسەپپەن 35 مىڭداي ادام تىركەلەتىنى كوپ جايتتى اڭعارتسا كەرەك.
«ءبىر ءتول تۋسا, ءبىر ءتۇپ جۋسان ارتىق وسەدى» دەيدى حالقىمىز. ەلوردادا حالىق سانىنىڭ جىلدام ءارى قارقىندى ءوسۋى بەلسەندى كوشى-قون ۇدەرىسى مەن بالا تۋ كورسەتكىشىنىڭ ارتۋىنا بايلانىستى. ارينە, بۇل رەتتە دەنساۋلىق ساقتاۋ سالاسىنىڭ ورنى ەرەكشە. استانا قالاسى دەنساۋلىق ساقتاۋ باسقارماسىنىڭ مالىمەتىنە سۇيەنسەك, قاڭتار-تامىز ايلارى ارالىعىندا 18446 بالا دۇنيەگە كەلگەن. اي سايىن 2000-نان استام ءسابي تۋىلادى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 7,1 پايىزعا ارتىق.
گۇلميرا ايماعانبەت
