استانادا «WorldSkills Kazakhstan 2022» كاسىبي شەبەرلىكتىڭ VII رەسپۋبليكالىق چەمپيوناتى باستالدى. ءىس-شارانىڭ اشىلۋ سالتاناتى ە.راحماديەۆ اتىنداعى مەملەكەتتىك اكادەميالىق فيلارمونيادا ءوتتى. ستۋدەنتتەردىڭ كاسىبي شەبەرلىگى سىنالاتىن سايىس وقۋ-اعارتۋ مينيسترلىگى مەن Talap كوممەرتسيالىق ەمەس اكتسيونەرلىك قوعامىنىڭ باستاماسىمەن قولعا الىندى.
بەس كۇنگە سوزىلاتىن تارتىستى سايىسقا ەلىمىزدىڭ بارلىق وڭىرىنەن 22 جاسقا دەيىنگى 500-دەن استام جاس مامان قاتىسادى. WorldSkills-ءتىڭ 30 رەسمي قۇزىرەتى بويىنشا باق سىنايدى. قاتىسۋشىلاردى 500-دەن استام ساراپشى باعالايدى.
جىل سايىن ءداستۇرلى تۇردە وتەتىن بايقاۋدىڭ اشىلۋ سالتاناتىنا وقۋ-اعارتۋ ۆيتسە-ءمينيسترى عاني بەيسەمباەۆ قاتىسىپ, ەلىمىزدىڭ تۇكپىر-تۇكپىرىنەن كەلگەن قاتىسۋشىلارعا ساتتىلىك تىلەدى.
«WorldSkills Kazakhstan 2022» رەسپۋبليكالىق كاسىبي شەبەرلىك چەمپيوناتى – جاس كادرلاردى ەكونوميكانىڭ وندىرىستىك سەكتورىنا تارتۋعا جانە ەلدەگى تەحنيكالىق جانە كاسىپتىك ءبىلىم بەرۋدى دامىتۋعا ىقپال ەتەتىن ايتۋلى جوبا. جاستاردى كاسىپكە باعدارلاۋدى ماقسات ەتكەن بۇل بايقاۋعا مەكتەپ وقۋشىلارى, كوللەدج جانە جوعارى وقۋ ورىندارىنىڭ ستۋدەنتتەرى قاتىسادى. ولار «كىرپىش قالاۋ», «سانتەحنيكا جانە جىلىتۋ», «كەسكىندەمە جانە ساندىك جۇمىستار», «بيزنەسكە ارنالعان IT شەشىمدەر», «ۆەب-تەحنولوگيالار», «جەلىلىك جانە جۇيەلىك باسقارۋ», «گرافيكالىق ديزاين», «ۆيزۋالدى ساۋدا» سەكىلدى بىرقاتار باعىتتار بويىنشا سىنالادى. ودان بولەك مەملەكەتتىك ورگانداردىڭ, الەۋمەتتىك سەرىكتەستىكتەردىڭ وكىلدەرى, كاسىپورىن قىزمەتكەرلەرى مەن تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتارى دە قاتىسىپ, تاجىريبە الماسادى.
ءدال وسى سايىستا ۇزدىك دەپ تانىلىپ, توپ جارعان شەبەرلەر قازاقستان قۇراماسىنىڭ نامىسىن «EuroSkills 2023» حالىقارالىق چەمپيوناتىندا قورعايدى.
چەمپيوناتتىڭ جارىس ءبولىمى «ەكسپو» حالىقارالىق كورمە ورتالىعى مەن استاناداعى 3 كوللەدجدىڭ الاڭىندا وتەدى دەپ جوسپارلانۋدا.
بايقاۋدىڭ قورىتىندىسى بويىنشا جەڭىمپازدار 2022 جىلدىڭ 11 جەلتوقسانىندا QAZAQSTAN ورتالىق كونتسەرت زالىندا وتەتىن جابىلۋ سالتاناتىندا ماراپاتتالادى.
