ۇكىمەت باسشىسىنىڭ ورىنباسارى ەرالى توعجانوۆتىڭ توراعالىعىمەن ەل اۋماعىندا COVID-19 ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا (ۆاك) وتىرىسى ءوتتى. پرەمەر-ءمينيستردىڭ تاپسىرماسى بويىنشا ەپيدەميولوگيالىق جاعدايدىڭ تۇراقتانۋىنا بايلانىستى قۇزىرەتتى كوميسسيا كارانتيندىك رەجيمدى جەڭىلدەتۋگە قاتىستى بىرقاتار شەشىمدەردى ماقۇلدادى.
بىرىنشىدەن, 2021 جىلعى 28 تامىزدان باستاپ: «Ashyq» جوباسىنا قاتىساتىن بارلىق بيزنەس نىساندارىنا دەمالىس كۇندەرى ساعات 24.00-گە دەيىن, «Ashyq» جوباسىنىڭ كوشباسشىلارىنا – «Ashyq» قوسىمشاسى ارقىلى راستالعان قىزمەتكەرلەر مەن كەلۋشىلەردىڭ «جاسىل مارتەبەسى» (ۆاكتسينا العاندار, 7 كۇننەن كەم ەمەس تەرىس ناتيجەسى بار پتر تەستىنىڭ بولۋى) بولعان جاعدايدا ساعات 02.00-گە دەيىن جۇمىس ىستەۋىنە رۇقسات; سەنبى كۇنى – قوعامدىق كولىك قىزمەتىنە رۇقسات بەرىلەدى.
ەكىنشىدەن, بيىل 30 تامىزدان باستاپ جۇمىس كۇندەرى: «Ashyq» جوباسىنا قاتىساتىن بارلىق بيزنەس نىساندارىنىڭ جۇمىس ۋاقىتى 22.00-دەن 24.00-گە دەيىن, «Ashyq» جوباسى كوشباسشىلارىنىڭ جۇمىس ۋاقىتى 24.00-دەن 02.00-گە دەيىن ۇزارتىلدى. بۇل رەتتە ەپيدەميولوگيالىق جاعدايدى ەسكەرە وتىرىپ, الماتى قالاسىندا كارانتيندىك شارالاردىڭ جەڭىلدەتىلۋىن دەمالىس كۇندەرىنە بيىلعى 4 قىركۇيەكتەن باستاپ, ال جۇمىس كۇندەرىنە بيىلعى 6 قىركۇيەكتەن باستاپ ەنگىزۋ جوسپارلانۋدا.
سونىمەن قاتار, ۆەدومستۆوارالىق كوميسسيادا جاڭا وقۋ جىلىنا دايىندىق ماسەلەسى قارالدى. پرەمەر-ءمينيستردىڭ ورىنباسارى بيىل تامىز ايىنىڭ سوڭىنا دەيىن مىناداي شارالاردى ورىنداۋدى تاپسىردى: مەديتسينالىق قارسى كورسەتىلىمدەرى بار ادامداردى قوسپاعاندا, پەداگوگتار مەن تەحنيكالىق پەرسونالدى ەگۋدى اياقتاۋ; سانيتارلىق تالاپتارعا سايكەس مەكتەپتەردىڭ تولىق دايىندىعىن قامتاماسىز ەتۋ; پەداگوگتار, قىزمەتكەرلەر جانە اتا-انالار ءۇشىن بارلىق ءبىلىم بەرۋ ۇيىمدارىندا «Ashyq» جۇيەسىنىڭ جۇمىسىن قامتاماسىز ەتۋ; ءبىلىم بەرۋ ۇيىمدارىن وقۋلىقتارمەن, وقۋ-ادىستەمەلىك كەشەندەرمەن 100 پايىز قامتاماسىز ەتۋ بويىنشا شارالار قابىلداۋ; مەكتەپتەردەگى كۇردەلى جانە اعىمداعى جوندەۋ جۇمىستارىن اياقتاۋ. وتىرىستا ەرالى توعجانوۆ قۇزىرلى ورگاندارعا باسقا دا بىرقاتار تاپسىرمالار بەردى.
