ەلوردادا وتكەن جىلى رەسپۋبليكالىق بيۋدجەتتەن «جول كارتاسى» باعدارلاما اياسىندا 29 جاسقا دەيىنگى جاس كاسىپكەردىڭ 67 جوباسى قولداۋ تاپتى. ونىڭ ىشىندە, 23-ءى – كاسىپكەر (13 – كوپبالالى), 22-ءى – جاستار, 23-ءى – حالىقتىڭ الەۋمەتتىك وسال توپتارى.
گرانتتار «بيزنەستىڭ جول كارتاسى-2025» باعدارلاماسى اياسىندا بەرىلدى. بۇل قاراجاتقا كاسىپكەرلەر قۇرال-جابدىق, جيھاز جانە كومپيۋتەرلىك تەحنيكالار ساتىپ الادى. جاڭا ءىس باستاعىسى كەلەتىندەر «باستاۋ بيزنەس» باعدارلاماسى بويىنشا تەگىن كۋرستاردان ءوتۋى ءتيىس.
كۋرس قارجىلىق جوسپارلاۋدىڭ بارلىق مودەلدەرىن, كاسىپكەرلىك نەگىزدەرىن, ەكونوميكانى, مەنەدجمەنتتى, ماركەتينگتى, قۇقىقتى قامتيدى. كۋرستان ءوتۋ كەزىندە كاسىپكەرلەر بارلىق تاۋەكەلدەردى, ىشكى جانە سىرتقى نارىقتاردى زەردەلەيدى جانە بيزنەس-تالىمگەردىڭ باسشىلىعىمەن بيزنەس-جوسپاردى ىسكە اسىرادى. وقۋدان باسقا, كۋرس قاتىسۋشىلارى كاسىپكەرلەر پالاتاسىنا تەگىن بيزنەس-جوسپار قۇرۋ بويىنشا كومەك سۇراي الادى.گرانتتارعا تەك جاس استانالىقتار عانا ەمەس, كوپبالالى وتباسىلاردىڭ وكىلدەرى, سونداي-اق حالىقتىڭ الەۋمەتتىك وسال توپتارى يە بولا الادى.
