الماتى اۋداندىق توتەنشە جاعدايلار باسقارماسى «قاۋىپسىز دەمالىس» اكتسياسى اياسىندا جارىس وتكىزدى. وقۋشىلاردىڭ قاتىسۋىمەن وتكەن «دارمەن» سايىسىنا №3, №8, №16 جانە №54 مەكتەپ شاكىرتتەرى قاتىستى.
جارىستىڭ اشىلۋ سالتاناتىندا ءسوز سويلەگەن №54 مەكتەپ-ليتسەيدىڭ ديرەكتورى عالياش قۋانىشبەكقىزى مەن الماتى اۋداندىق توتەنشە جاعدايلار باسقارماسىنىڭ باستىعى مارعۇلان امانباەۆ سايىستىڭ ماقساتىن ءتۇسىندىرىپ, قاتىسۋشىلارعا ساتتىلىك تىلەدى.
ءتورت كەزەڭنەن تۇراتىن سايىستا تانىستىرۋ, سۇراق-جاۋاپ, كوڭىلدى ستارت جانە سۋرەت سالۋ ونەرى ورتاعا سالىندى. ءار كەزەڭدە زالدا وتىرعان جانكۇيەرلەرگە توتەنشە جاعدايدىڭ الدىن الۋ جولدارىن بىلۋگە سەپتىگىن تيگىزەتىن كورىنىستەر قويىلدى. توتەنشە جاعداي كەزىندە العاشقى كومەكتى كورسەتۋ مەن ونىڭ الدىن الۋ جولدارى ءتۇسىندىرىلدى.
سونىمەن, سايىس قورىتىندىسىندا №16 مەكتەپتىڭ كىشكەنتاي قۇتقارۋشىلار توبى جەڭىمپاز اتاندى.
اجار احمەتوۆا,
ل.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ 1-كۋرس ستۋدەنتى
