ادامداردىڭ كوپشىلىگى قىستا از قيمىلداپ, كوكتەم شىققاندا قيمىل-قوزعالىستى كوبەيتەدى, كۇن جىلىپ نەمەسە قايتا سۋىپ, ءۇستىمىزدى بىرەسە شەشىپ نەمەسە بىرەسە قاتتى كيىنىپ الاتىن جايت ءجيى كەزدەسەدى. وسى كەزدە السىرەپ تۇرعان يممۋندىق جۇيەگە بىردەن كۇش تۇسەدى.
ەر ادامدارعا قاراعاندا, ايەلدەر دارۋمەن تاپشىلىعىنا ءجيى ۇشىرايدى. سەبەبى ايەل اعزاسىنداعى فيزيولوگيا وزگەرىستەرىنە بايلانىستى دارۋمەن قورى ازايادى, ونىڭ ازدىعى جۇكتىلىككە, بوسانۋعا جانە اراسى ءجيى جۇكتىلىك, ەمىزۋگە, جالپى ايەل ادامنىڭ اعزاسىنا بايلانىستى. تابيعي تاعامداردى ءجيى پايدالانعان ءجون. سونىڭ ىشىندە ۇلتتىق سۋسىندارىمىز – شۇبات پەن قىمىز ءىشىپ تۇرسا, يممۋنيتەت كۇشەيەدى. اعزاسىندا كالتسي جەتىسپەيتىن ادامدار تارى جەگەنى دۇرىس. بۇعان قوسا, اس مازىرىندە كوكونىستەردى ءجيى پايدالانۋ كەرەك. قۇرامىندا دارۋمەنى كوپ تاماقتى تالعاپ جەۋ كەرەك. ماسەلەن, ءسابىز, قىرىققابات – ەڭ پايدالى كوكونىس. ونىڭ قۇرامىندا ۆ1, ۆ2, ۆ6, س, ە, رر, ك دارۋمەندەرىمەن قاتار, مينەرالدى تۇز دا بار. ءسابىز كوزدىڭ كورۋىن جاقسارتىپ, تەرىنىڭ جاقسارۋىنا اسەر ەتەدى. قىزىلشا شارشاۋدى باسىپ, كۇيزەلىستەن قۇتقاراتىنىن كوبىمىز بىلە بەرمەيمىز.
كوكتەم مەزگىلىندە تاماقتانۋدىڭ نەگىزگى ەرەجەلەرى:
– ءجيى ءارى از-ازدان, كۇنىنە ءار 2,5-3 ساعات سايىن 5-6 رەت تاماقتانۋ قاجەت;
– راتسيوندا اقۋىزدىڭ, مايدىڭ جانە كومىرسۋتەگىنىڭ بولۋىن قاداعالاۋ كەرەك;
– 1 كۇن ىشىندە تۇتىناتىن مايدى, اقۋىزدى جانە كومىرسۋتەگىن تابەتىڭىزگە قاراي رەتىمەن ءىشىپ-جەۋ قاجەت;
– تازا سۋ, كۇنىنە 2 ليتردەن جوعارى مولشەردە سۋ ءىشۋ كەرەك, سۋ جاسۋشالاردىڭ قالىپتاسۋىنا اسەر ەتەدى, تەرىدەگى قۇرعاقتىقتى جويادى.
– تازا تاماق (جارتىلاي فابريكاتتاردان, تەز دايىندالاتىن تاعامداردان جانە تاتتىدەن باس تارتۋ);
– كوكتەمنىڭ العاشقى 1,5 ايىندا ءسپيرتتى ىشىمدىكتەردەن مۇلدەم باس تارتىڭىز. ول اعزانىڭ تازارۋ پروتسەسىن بۇزىپ, جاڭا جاسۋشالاردىڭ وسۋىنە اسەر ەتەدى.
– اسكوك, اقجەلكەن سياقتى كوكونىستى كوپ تۇتىنعان دۇرىس. راتسيونعا سمۋزي, كينزا (كورياندر) قوسۋعا دا بولادى. ولاردىڭ ورنىن جازعا قاراي قاربىز بەن قاۋىن باسا الادى.
– كوبىرەك قوزعالىپ, جۇگىرۋدى قولعا الساڭىز, اعزاداعى قىستان قالعان توكسيندەر تەرمەن شىعا باستايدى. ساۋنا مەن مونشاعا ءجيى بارۋ اعزادا جينالعان توكسيندەردى شىعارۋعا كومەكتەسەدى, بىلايشا ايتقاندا, تەرى جاڭارادى.
ايدانا ايازبەك,
№11 ەمحانانىڭ
ءىى ساناتتى وتباسى دارىگەرى
