سەيسەنبى كۇنى كونگرەسc-حولدا «نۇر وتان» حالىقتىق-دەموكراتيالىق پارتياسى استانا قالالىق فيليالىنىڭ XVII ەسەپ بەرۋ-سايلاۋ كونفەرەنتسياسى ءوتتى. ونىڭ جۇمىسىنا پارتيا توراعاسىنىڭ ءبىرىنشى ورىنباسارى باقىتجان ساعىنتاەۆ پەن استانا قالالىق فيليالىنىڭ توراعاسى, قالا اكىمى يمانعالي تاسماعامبەتوۆ قاتىستى.
«نۇر وتان» حدپ استانا قالالىق فيليالىنىڭ كەزەكتى ەسەپ بەرۋ جيىنىن استانا قالاسىنىڭ اكىمى يمانعالي تاسماعامبەتوۆ اشىپ, جۇرتشىلىقتى كۇن تارتىبىندە قارالاتىن ماسەلەلەرمەن تانىس-تىردى.
ەسەپ بەرۋ-سايلاۋ كونفەرەنتسياسىنا قالالىق ءماسليحات دەپۋتاتتارى, باسقارما باسشىلارى, ۇكىمەتتىك ەمەس ۇيىمداردىڭ جەتەكشىلەرى, باسقا دا مەكەمە وكىلدەرى قاتىستى.
جيىندا «نۇر وتاننىڭ» استانا قالالىق فيليالىنىڭ اتقارعان جۇمىستارى سارالانىپ, الداعى مىندەتتەرى بەلگىلەندى.
پرەزيدەنت نۇرسۇلتان نازارباەۆ الەۋمەتتىك جاڭعىرتۋ پروتسەستەرىن جۇيەلەۋ مەن رەتتەۋدە «نۇر وتان» پارتياسىنىڭ الار ورنى ەرەكشە ەكەندىگىن اتاپ ءوتىپ, وعان ۇلكەن سەنىم ارتىپ وتىر. پارتيانىڭ ەلوردالىق فيليالى دا وسى باعىتتا ناتيجەلى جۇمىستار جۇرگىزىپ, پارتيانىڭ ىشكى جۇمىستارىن جەتىلدىرۋ, اۋماقتىق فيليالداردىڭ قۇرىلىمدارىن قايتا قاراۋ, ساياسي جۇمىس پەن پارتيا مۇشەلەرىنىڭ قاتارىن مولايتۋ سىندى ماسەلەلەرگە باستى كوڭىل ءبولىپ كەلەدى. استانا قالالىق فيليالى قۇرىلىمى «نۇر وتان» حدپ جارعىسىنا سايكەس, الماتى, سارىارقا جانە ەسىل اۋداندىق فيليالدارى, سونداي-اق, «بىرلىك», «نۇر», «ۇلتتىق مەديتسينالىق حولدينگ» اق جانىنداعى فيليال بولىپ ناقتىلانعان.
بيىلعى 1 قاراشاداعى كورسەتكىش بويىنشا, باستاۋىش پارتيا ۇيىمدارىنىڭ سانى 313-كە جەتىپ, پارتيا مۇشەلەرىنىڭ سانى 37 مىڭنان اسقان.
استانا قالالىق فيليالى اعىمداعى جىلى ەلباسىنىڭ «الەۋمەتتىك-ەكونوميكالىق جاڭعىرتۋ – قازاقستاندى دامىتۋدىڭ باس-تى باعىتى» جولداۋىن جانە «نۇر وتاننىڭ» باعدارلامالىق قۇجاتىن جۇزەگە اسىرۋ مەن وندا ايتىلعان مىندەتتەردى جۇرتشىلىققا ءتۇسىندىرۋ-ناسيحاتتاۋ جۇمىستارى شەڭبەرىندە 7500 ادامدى قامتىعان 300 شارا ۇيىمداستىرعان. ال پرەزيدەنتتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىنا دا ءۇن قوسىپ, كەڭىنەن تالقىلاعان «نۇروتاندىقتار» باس-اياعى 500-دەن استام كەزدەسۋ, دوڭگەلەك ۇستەل جيىندارىن وتكىزىپتى.
ەلورداداعى پارتيا فيليالىنىڭ اتقارىپ وتىرعان جۇمىستارىنىڭ ءبىر لەگى قوعاممەن جۇمىس ىستەۋدى كەڭەيتۋ بولىپ تابىلادى. وسى ماقساتتا قالالىق ماسليحاتتاعى «نۇر وتان» پارتيالىق فراكتسياسىمەن قويان-قولتىق جۇمىس ىستەپ, كەڭەسشىلىك ادىستەمەلىك مىندەتتى اتقارىپ وتىرعان قوعامدىق قابىلداۋلاردىڭ ءىس-شاراسىنا دا ايرىقشا ءمان بەرىلىپ وتىر.
القالى جيىندا «نۇر وتان» حدپ توراعاسىنىڭ ءبىرىنشى ورىنباسارى باقىتجان ساعىنتاەۆ تا ءسوز سويلەپ, ماڭىزدى مىندەتتەر جۇكتەلىپ وتىرعان پارتيانىڭ قىزمەتىن جاڭا سيپاتتا جەتىلدىرۋ ماسەلەسىن كوتەردى. بۇگىندە «نۇر وتان» پارتياسىنىڭ الدىندا الەۋمەتتىك سالاداعى مەملەكەتتىك ورگاندار قىزمەتىنىڭ اتقارىپ جاتقان ىسىنە مونيتورينگ جۇيەسىن جاساقتاۋ قاجەت. باقىتجان ءابدىرۇلىنىڭ پىكىرىنشە, بۇل جۇمىسپەن ەلدىڭ تىنىس-ءتىرشىلىگىن ولاردىڭ ءوز اۋزىنان ەستىپ, الاقانداعىداي كورىپ-ءبىلىپ وتىرعان قوعامدىق قابىلداۋلار اينالىسقانى ابزال.
ەسەپ بەرۋ كونفەرەنتسياسىندا «نۇر وتان» حدپ استانا قالالىق فيليالىنىڭ اتقارعان ءجۇمىستارى عانا ەمەس, «ەكسپو – 2017» حالىقارالىق كورمەسىن وتكىزۋگە لايىق دەپ تانىلعان باس شاھاردىڭ اتىنا دا جىلى لەبىزدەر ايتىلدى. ب.ساعىنتاەۆ استانانىڭ الەم الدىنداعى ابىروي-بەدەلىنىڭ قالىپتاسۋىنا ەلباسى نۇرسۇلتان نازارباەۆتىڭ ەڭبەگى ەرەن ەكەندىگىن اتاپ ءوتىپ, بيىل العاش رەت اتالىپ وتكەلى وتىرعان تۇڭعىش پرەزيدەنت كۇنىنىڭ مانىنە توقتالدى.
جيىن بارىسىندا, سونداي-اق, «نۇر وتان» حدپ استانا قالالىق فيليالىنىڭ ساياسي كەڭەسى مەن باقىلاۋ-تەكسەرۋ كوميسسياسىنىڭ جاڭا قۇرامى سايلاندى.
جيىنعا قاتىسقان پارتيا مۇشەلەرى كەلەشەكتە دە ەلباسىمەن بىرگە تاۋەلسىز قازاقستاننىڭ وركەندەۋىنە ۇلەس قوساتىندارىن ءبىراۋىزدان مالىمدەدى.
استانا قالاسىنىڭ اكىمى يمانعالي تاسماعامبەتوۆ: «حالىقتىڭ ءال-اۋقاتىن جاقسارتۋعا, ەلوردانى ءوركەندەتۋگە قانداي شارۋالار اتقارىلعانىنا ناقتى جاۋاپ بەرە الساق, سوندا عانا جۇمىسىمىزعا قاناعاتتانا الامىز» دەپ, جيىندى قورىتىندىلادى.
قىمبات نۇرعالي
