كەشە استانا قالاسى ءماسليحاتىنىڭ ون بەسىنشى كەزەكتەن تىس سەسسيا-سىندا جاۋاپتى وكىلدەر ءونىمدى ءىستىڭ ءورىسىن تانىتتى.
كۇن تارتىبىندە جەڭىس كۇنىنە وراي استاناداعى مۇقتاج ازاماتتاردىڭ جەكەلەگەن ساناتتارىنا بىرجولعى الەۋمەتتىك كومەك كورسەتۋ, قالانىڭ «مەرلەر ۋاعدالاستىعى» ەۋروپالىق وداعىنا قوسىلۋ باستاماسى, مەملەكەتتىك قاجەتتىلىكتەر ءۇشىن جەر ۋچاسكەلەرىن ساتىپ الۋ جونىندەگى شارتتار جوبالارىن كەلىسۋ, «جۇمىسپەن قامتۋ – 2020» باعدارلاماسىن ىسكە اسىرۋ جانە «استانا قالاسىنا شەتەلدىك جۇمىس كۇشىن تارتۋعا رۇقسات بەرۋ جانە ونى ۇزارتۋ جونىندەگى كوميسسيا تۋرالى» شەشىمىنە وزگەرىستەر ەنگىزۋ ماسەلەلەرى قويىلدى.
ودان كەيىن «نۇر وتان» حدپ استانا فيليالىنىڭ ۇيىمداستىرۋىمەن سايلاۋ وكرۋگتەرىنىڭ قوعامدىق قابىلداۋ بولىمدەرىندە قالالىق ءماسليحاتتىڭ 25 دەپۋتاتى اشىق ەسىك كۇنىن وتكىزۋگە كىرىستى. بۇل رەتتە, ولار قالا تۇرعىندارىنىڭ وزەكتى ماسەلەلەرىن شەشۋ مۇمكىندىكتەرىن جۇيەلى تۇردە ىسكە اسىردى. ازاماتتارعا قاجەتتى كەڭەس بەرۋ, قۇقىقتىق ساۋاتتىلىعىن ارتىرۋ جاعىنان قاجەتتى پراكتيكالىق جانە زاڭنامالىق كومەكتەر كورسەتىلدى.
قالاۋلىلاردىڭ قابىلداۋىنان شىققان استانالىق اعايىندار ءدان ريزا. ويتكەنى, اتالعان ءىس-شارا بارىسىندا قوردالانعان بىرقاتار ماسەلەلەرى ءتيىمدى شەشىمىن تاۋىپ, تالاپ-تىلەكتەرىنەن شىعۋى ءتيىس قورىتىندى باقىلاۋدا ۇستالاتىن بولدى. پارتيانىڭ دا قولدا بار رەسۋرسى – ەڭ الدىمەن بارلىق دەڭگەيدەگى دەپۋتاتتار جانە مەملەكەتتىك ورگان وكىلدەرىمەن ورناتقان تىعىز بايلانىس بولىپ تابىلادى. سونىڭ ناتيجەسىندە قاراپايىم بۇقارا ماسەلەلەرىنىڭ وڭ شەشىمىن تاباتىنى ايقىن. كەشە ءوزىمىز قوعامدىق قابىلداۋ وتكىزگەن سەرىك جاقسىبەكوۆ, سايفۋدين حامحوەۆ, تيمۋر ورازاقوۆ, ءۋاليحان دوساەۆ مىرزالاردىڭ وسى ءبىر ورتاق ماقساتتاعى ماردىمدى جۇمىستارىنىڭ كۋاسى بولىپ قايتتىق.
ەركەعالي بەيسەنوۆ
