قر پرەزيدەنتى نۇرسۇلتان نازارباەۆ «100 ناقتى قادام» ۇلت جوسپارىندا مەملەكەتتىك قىزمەتشىلەردىڭ ەتيكاسى جونىندە بىرقاتار مىندەتتەر جۇكتەگەنى بەلگىلى.
مەملەكەتتىك قىزمەتكەرلەردىڭ ەتيكاسى مەن ءوزىن-ءوزى ۇستاۋ مادەنيەتى قر پرەزيدەنتىنىڭ 2015 جىلدىڭ 29 جەلتوقسانداعى جارلىعىمەن بەكىتىلگەن مەملەكەتتىك قىزمەتشىلەرىنىڭ ادەپ كودەكسىندە انىق كورسەتىلگەن. ال ولاردىڭ ەتيكاسىن, ءتارتىبىن باقىلاۋ مەملەكەتتىك قىزمەت ىستەرى جونىندەگى ۋاكىلەتتى ورگان – قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ استانا قالاسى بويىنشا دەپارتامەنتىنە جۇكتەلگەن. بۇل مەكەمە جۇرتشىلىقتان كەلىپ تۇسكەن ارىز-شاعىمدار بويىنشا تەكسەرۋلەر جۇرگىزىپ, كىنالىلەردى تارتىپتىك جاۋاپكەرشىلىككە تارتادى. جىل باسىنان بەرى دەپارتامەنت وكىلدەرى ادەپ كودەكسىن بۇزعانعا بايلانىستى 50-دەن استام ءوتىنىشتى قاراستىردى.
دەپارتامەنت مەملەكەتتىك قىزمەتكەرلەردىڭ ءتارتىبىن باقىلاۋمەن قاتار, ولارمەن تىعىز جۇمىس ىستەپ, نەمكەت10تى مىنەز-قۇلىقتىڭ, دورەكىلىكتىڭ الدىن الۋ بويىنشا جۇمىستار جۇرگىزۋدى داستۇرگە اينالدىرعان. سونداي-اق, سىبايلاس جەمقورلىققا قارسى ءىس-قيمىل تۋرالى زاڭناما مەن ادەپ نورمالارىنىڭ ساقتالۋى مەن وعان مونيتورينگ جۇرگىزۋدى قامتاماسىز ەتەتىن ادەپ جونىندەگى ۋاكىل قىزمەتى دە ەنگىزىلدى. بۇل حالىقتىڭ مەملەكەتتىك قىزمەتشىلەرگە دەگەن سەنىمىن ارتتىرادى. ادەپ جونىندەگى كەڭەس جەرگىلىكتى اتقارۋشى ورگانداردىڭ ادەپ جونىندەگى ۋاكىلدەردىڭ قىزمەتىن ۇيلەستىرىپ وتىرادى.
استانا قالاسى اكىمدىگىنىڭ ادەپ ءجونىندەگى ۋاكىلى بولىپ, استانا قالاسى اكىمىنىڭ كەڭەسشىسى راحات بەكقاداموۆ تاعايىندالعانىن ەستەرىڭىزگە سالامىز.
ەگەر ءسىز استانا قالاسىنىڭ مەملەكەتتىك قىزمەتشىلەرى ادەپ كودەكسىنىڭ تالاپتارىن بۇزعان جاعدايعا كۋا بولساڭىز, ءبىزدىڭ دەپارتامەنتكە (قابانباي باتىر كوش., 33) نەمەسە 24-80-32 سەنىم تەلەفونىنا حابارلاسۋعا بولادى.
ايجان وماراليەۆا,
مەملەكەتتىك قىزمەت سالاسىنداعى
باقىلاۋ باسقارماسىنىڭ باسشىسى
