مەن – باقىتتى بالامىن

مەن بەيبىت زاماندا دۇنيەگە كەلدىم. بۇل ءومىرىمىز ءۇشىن ۇلى وتان سوعىسىنىڭ مايدانگەرلەرىنە قارىزدارمىز.

كۇندە تەلەارنالاردا «ۇلى جەڭىسكە – 70 جىل» دەپ جازىپ, قانشا كۇن قالعانىن كورسەتىپ وتىرادى. وندا سوعىس جا-يىندا, باتىر اتالارىمىز تۋرالى ايتادى. جەڭىسكە جەتۋ ءۇشىن قانداي اۋىر كۇندەردى باستارىنان وتكەرگەندەرىن كورسەتەدى. كورىپ وتىرىپ, ءوز اتام ويىما ورالادى.

مەنىڭ اتام دا ۇلى وتان سوعىسىنا قاتىسقان. اتامنىڭ ەسىمى – ءابدۋالي. جامبىل وبلىسىنىڭ شۋ وڭىرىندە تۋعان. 1941 جىلى مايدانعا اتتانىپ, 1943 جىلى اۋىر جارالانىپ ەلگە ورالعان ەكەن. ەلگە كەلگەن سوڭ ەڭبەككە ارالاسىپ, ءتۇرلى قىزمەتتەر اتقارعان. ەلىن قورعاعان ارداگەردىڭ ۇرپاعى بولعانىما ماقتانامىن. سوعىس جىلدارىنداعى جاعدايدى ايتىپ, اجەم كۇرسىنەدى. «وي, قۇلىنىم! ەندى سوعىس بولماسىن, ەلگە قايعى كەلمەسىن, سەندەر باقىتتى ءومىر سۇرىڭدەر!» دەپ اجەم ۇنەمى تىلەگىن ءبىلدىرىپ وتىرادى. سوعىستىڭ قيىندىقتارىن ەستىسەم, سول كەزدەگى بالالاردى ويلاپ, ءوزىم تىنىش زاماندا ءومىر ءسۇرىپ جاتقانىما قۋانامىن.

نۇرداۋلەت ءابدۋالي,

الكەي مارعۇلان اتىنداعى

№40 ورتا مەكتەپتىڭ

1-سىنىپ وقۋشىسى