جاڭالىقتار
مايدانگەرلەر مەرەيى
ەسىل اۋدانىنىڭ اكىمدىگى ءبىر توپ مايدانگەرلەر مەن تىل ەڭبەككەرلەرىن جيناپ, ولارعا ۇلى جەڭىستىڭ 70 جىلدىعىنا ارنالعان مەرەيتويلىق مەدال تاپسىردى.
بەرلينگە دەيىن جەتكەن قادان بەكەنوۆ, كۋرسك يىنىندەگى شايقاستىڭ كۋاگەرى زينايدا بەرنيازوۆا, 1-ءشى بەلارۋس مايدانىندا جاۋمەن ارپالىسقان يۆان بوتەۆ, سنايپەر نيكولاي گلازكوۆ سىندى مايدانگەرلەرگە, ەلدە قالىپ, اۋىر ەڭبەككە جەگىلىپ, ۇلى جەڭىسكە ولشەۋسىز ۇلەستەرىن قوسقان سەيىتنۇر سەرعاليەۆ, قاسەكەن جاپپاستايقىزى جانە باسقالارىنا سالتاناتتى جاعدايدا مەدالدار تابىس ەتىلدى.
ۇلى وتان سوعىسى مايدانگەرلەرى مەن تىل ارداگەرلەرىن ۇلى جەڭىستىڭ 70 جىلدىق مەرەكەسىنە ارنالعان مەدالدارمەن ماراپاتتاۋ راسىمدەرى ءالى دە جۇرگىزىلىپ جاتىر.
امانعالي قالجانوۆ