مۇلىك جانە جەر سالىعىن تولەۋدەن بوساتىلاتىن جەكە تۇلعالار

سالىق كودەكسىنىڭ 403-بابىنىڭ 2-تارماعىنا سايكەس جەكە تۇلعالاردىڭ مۇلىك سالىعىنان كەلەسىلەر سالىق تولەۋشىلەر بولىپ تابىلمايدى:
1) مەرزىمدى قىزمەتتى وتكەرۋ (وقۋ) كەزەڭىندەگى مەرزىمدى قىزمەتتەگى اسكەري قىزمەتشىلەر;
2) مەنشىك قۇقىعىنداعى بارلىق سالىق سالۋ وبەك­تىلەرىنىڭ جالپى قۇنىنان رەسپۋبليكالىق بيۋدجەت تۋرالى زاڭدا بەلگiلەنگەن جانە تيiستi قارجى جىلىنىڭ 1 قاڭتارىندا قولدانىستا بولعان ايلىق ەسەپتىك كور­سەتكىشتىڭ 1000 ەسەلەنگەن مولشەرى شە­گىندە – كەڭەس وداعىنىڭ باتىرلارى, سوتسياليستىك ەڭبەك ەرلەرى, «حالىق قاھارمانى», «قازاقستاننىڭ ەڭبەك ەرى» اتاقتارىن العان, ءۇش دارەجەلى داڭق وردەنىمەن جانە «وتان» وردەنىمەن ناگرادتالعان ادامدار, «ارداقتى انا» اتاعىن العان, «التىن القا» القاسىمەن ناگرادتالعان كوپ بالالى انالار, جەكە تۇراتىن زەينەتكەرلەر;
3) مەنشىك قۇقىعىنداعى بارلىق سالىق سالۋ وبەك­تى­لەرىنىڭ جالپى قۇنىنان رەسپۋبليكالىق بيۋدجەت تۋرالى زاڭدا بەلگiلەنگەن جانە تيiستi قارجى جىلىنىڭ 1 قاڭتارىندا قولدانىستا بولعان ايلىق ەسەپتىك كور­سەتكىشتىڭ 1500 ەسەلەنگەن مولشەرى شەگىندە – ۇلى وتان سوعىسىنا قاتىسۋشىلار مەن ولارعا تەڭەستىرىلگەن ادامدار, ءى جانە ءىى توپتاعى مۇگەدەكتەر;
4) مەنشىك قۇقىعىنداعى بارلىق سالىق سالۋ وبەكتى­­لەرىنىڭ جالپى قۇنىنان رەسپۋبليكالىق بيۋد­جەت تۋرالى زاڭدا بەلگiلەنگەن جانە تيiستi قارجى جىلىنىڭ 1 قاڭتارىندا قولدانىستا بولعان ايلىق ەسەپتىك كور­سەتكىشتىڭ 1500 ەسەلەنگەن مولشەرى شەگىندە – ۇلى وتان سوعىسى جىلدارىندا تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالعان ادامدار, سونداي-اق 1941 جىلعى 22 ماۋسىم – 1945 جىلعى 9 مامىر ارالىعىندا كەمىندە التى اي جۇمىس ىستەگەن (قىزمەت وتكەرگەن) جانە ۇلى وتان سوعىسى جىلدارىندا تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالماعان ادامدار.
وسى تارماقتىڭ 1) – 4) تارماقشالارىندا اتالعان ادامدار پايدالانۋعا نەمەسە جالعا بەرىلگەن سالىق سالۋ وبەكتىلەرى بويىنشا سالىقتى وسى تاراۋ-دا بەلگىلەنگەن تارتىپپەن ەسەپتەيدى جانە تولەيدى;
5) كاسىپكەرلىك قىزمەتتە پايدالانىلاتىن سالىق سالۋ وبەكتىلەرى بويىنشا دارا كاسىپكەرلەر.
سالىق كودەكسىنىڭ 373-بابىنا سايكەس جەكە تۇل­عالاردىڭ جەر سالىعىنان كەلەسىلەر سالىق تولەۋ­شىلەر بولىپ تابىلمايدى:
1) شارۋا نەمەسە فەرمەر قوجالىقتارى ءۇشىن ارناۋلى سالىق رەجيمى قولدانىلاتىن قىزمەتتە پايدالانىلاتىن جەر ۋچاسكەلەرى بويىنشا بىرىڭعاي جەر سالىعىن تولەۋشىلەر;
2) مەملەكەتتىك مەكەمەلەر;
3) ۋاكىلەتتى مەملەكەتتىك ورگاننىڭ قىلمىستىق جازالاردى اتقارۋ سالاسىنداعى تۇزەۋ مەكەمەلەرىنىڭ مەملەكەتتىك كاسىپورىندارى;
4) ۇلى وتان سوعىسىنا قاتىسۋشىلار جانە سولارعا تەڭەستىرىلگەن ادامدار, ۇلى وتان سوعىسى جىلدارىندا تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعى وردەندەرىمەن جانە مەدالدارىمەن ناگرادتالعان ادامدار, 1941 جىلعى 22 ماۋسىم – 1945 جىلعى 9 مامىر ارالىعىندا كەمىندە التى اي جۇمىس ىستەگەن (قىزمەت وتكەرگەن) جانە ۇلى وتان سوعىسى جىلدارىندا تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعى وردەندەرىمەن جانە مەدالدارىمەن ناگرادتالماعان ادامدار, مۇگەدەكتەر, سونداي-اق, بالا جاسىنان مۇگەدەكتىڭ اتا-اناسىنىڭ ءبىpeyى:
تۇرعىن ءۇي قورى, سونىڭ ىشىندە, ونىڭ جانىنداعى قۇرىلىستار مەن عيماراتتار ورنالاسقان جەر ۋچاسكەلەرى;
ءۇي ماڭىنداعى جەر ۋچاسكەلەرى;
وزىندىك (قوسالقى) ءۇي شارۋاشىلىعىن جۇرگىزۋ, باعباندىق ءۇشىن بەرىلگەن جانە قۇرىلىس الىپ جاتقان جەرلەردى قوسا العاندا, ساياجاي قۇرىلىسىنا ارنالعان جەر ۋچاسكەلەرى;
گاراجعا ارنالعان جەر ۋچاسكەلەرى بويىنشا;
5) «ارداقتى انا» اتاعىنا يە بولعان, «التىن القا» القاسىمەن ناگرادتالعان كوپ بالالى انالار:
تۇرعىن ءۇي قورى, سونىڭ iشiندە ونىڭ جانىنداعى قۇرىلىستار مەن عيماراتتار ورنالاسقان جەر ۋچاس­كەلەرi بويىنشا;
ءۇي ماڭىنداعى جەر ۋچاسكەلەرi بويىنشا;
6) جەكە تۇراتىن زەينەتكەرلەر:
تۇرعىن ءۇي قورى, سونىڭ iشiندە ونىڭ جانىنداعى قۇرىلىستار مەن عيماراتتار ورنالاسقان جەر ۋچاس­كەلەرi بويىنشا;
ءۇي ماڭىنداعى جەر ۋچاسكەلەرi بويىنشا;
7) ءدىني بىرلەستىكتەر جەر سالىعىن تولەۋشىلەر بولىپ تابىلمايدى.