جاڭالىقتار
مۇمكىندىگى شەكتەۋلىلەر دە شەت قالمادى
جەكسەنبى كۇنى استانالىق تسيركتىڭ الدىنداعى الاڭدا قالالىق اكىمدىكتىڭ قولداۋىمەن «دوس» تاۋەلسىز ءومىر» مۇگەدەكتەر قوعامدىق بىرلەستىگى «نەبەسنىي لەۆ» جانە «Best for Kids» قوعامدىق قورلارىمەن بىرگە جاستار كۇنىنە ارنالعان «Special youth party» اتتى اۋقىمدى اكتسيا وتكىزدى.
مىڭنان اسا ادام جينالعان مەرەكەلىك شارادا تالانتتى جاستارمەن قاتار مۇمكىندىگى شەكتەۋلى جاندار دا ونەر كورسەتتى. ولار كەيىنگى كەزدە ۇردىسكە اينالعان فلەشموبقا بەلسەنە قاتىستى. اكتسيانىڭ ماقساتى دا وسى ەدى. ياعني, قامكوڭىل جانداردىڭ استانالىق رەتىندە قالانىڭ قوعامدىق-ساياسي, مادەني ومىرىنەن شەت قالماۋى نازارعا الىندى.
ويىن-ساۋىققا تولى بولعان بۇل كۇنى جاستار توقىما توقۋدان جارىسقا ءتۇسىپ, ءتۇرلى سۋرەت سالۋ سايىستارىندا باق سىنادى. قولونەر شەبەرلەرىنىڭ قولىنان شىققان بۇيىمدار سول ماڭدا ۇيىمداستىرىلعان كورمەگە قويىلدى. دۋماندى شارانىڭ سوڭى ەسترادا جۇلدىزدارىنىڭ قاتىسۋىمەن وتكەن بي كەشىنە ۇلاستى.