كەلەلى وتىرىس ءوتتى
استانا قالاسى كورەي ەتنومادەني بىرلەستىگىنىڭ ۇيىمداستىرۋىمەن «اتامەكەن» ەتنو-مەموريالدى كەشەنىندە «قازاقستان-2050» ستراتەگياسى» – ءححى عاسىرداعى ۇلگى مەن يدەيا» اتتى دوڭگەلەك ۇستەل وتىرىسى ءوتتى.
قىلمىستىق ىستەر انىقتالدى
كولىك پوليتسەيلەرى 5 ايدا 131 ەسىرتكى تاراتۋ قىلمىسىن انىقتادى. قىزمەتتىك جۇمىس ناتيجەلەرى بويىنشا كولىكتەگى ىشكى ىستەر دەپارتامەنتى بولىنىستەرىنىڭ قىزمەتى ارقاسىندا ەسىرتكى قىلمىسى 24 پايىزعا, ونىڭ ىشىندە ساتۋ فاكتىسى 39 پايىزعا تومەندەگەن.
تەگىن كەڭەس بەرەدى
جۋىردا رەسپۋبليكالىق نەيروحيرۋرگيا عىلىمي ورتالىعىنىڭ 5 جىلدىعى اياسىندا ميعا وتا جاساۋ تاجىريبەسى مەن نەيروحيرۋرگتەر مەن نەۆروپاتولوگتاردىڭ تەگىن كەڭەس بەرۋى وتەدى.
ەمحانا اشىلدى
№1 قالالىق اۋرۋحانا بازاسىندا كۇندىزگى ستاتسيوناردا 125 ادامدى قابىلداي الاتىن, 40 توسەكتىك ەكىنشى مامانداندىرىلعان بالالاردىڭ كلينيكالىق-دياگنوستيكالىق ەمحاناسى اشىلدى.
جاڭا ەمحانا 80 مىڭنان استام بالاعا قىزمەت كورسەتەدى دەپ جوسپارلانعان.
كەشە…
«شابىت» شىعارماشىلىق سارايىندا استانانىڭ 15 جىلدىعىنا ارنالعان 3D ۇلگىسىندەگى كارتينالار كورمەسى اشىلدى.
بۇگىن…
م.گوركي اتىنداعى مەملەكەتتىك اكادەميالىق ورىس دراما تەاترىندا ساع.18.00-دە ا.كاسونانىڭ «جابايى. ءۇشىنشى ءسوز» مەلودراماسى قويىلادى.
ەرتەڭ…
«سارىارقا» رەسپۋبليكالىق ۆەلوترەگىندە ساع. 13.00-دە قازاقشا كۇرەستەن رەسپۋبليكالىق «قازاقستان بارىسى» تۋرنيرى وتەدى.
سانسويلەم
كەيىنگى 15 جىلدا ەلوردا تۇرعىندارىنىڭ جاس ەرەكشەلىكتەرىندە ايتارلىقتاي وزگەرىستەر بولدى. حالىقتىڭ كوپ بولىگىن 15 جاسقا دەيىنگى بالالار قۇرايدى. 2012 جىلى ەلوردادا 19 500 ءسابي دۇنيەگە كەلگەن. 60 جانە ودان دا جوعارى جاستاعىلار كونتينگەنتى 10,4%-دان 6,5%-عا دەيىن تومەندەگەن.
