ءورت سوندىرۋشىلەر كوبەيدى
استاناداعى ءورت سوندىرۋشىلەر قاتارى 23 اداممەن تولىقتى. كوكشەتاۋ تەحنيكالىق ينستيتۋتىن تامامداعان تۇلەكتەر ەلورداداعى ءورت ءسوندىرۋ بولىمدەرىنە جۇمىسقا ورنالاستى. ولاردى استانا قالاسى توتەنشە جاعدايلار دەپارتامەنتى باسشىسى مەيرام ىسقاقوۆ قۇتتىقتادى.
اپتانىڭ اۋا رايى
وسى اپتا جاڭبىرلى, بىراق جىلى بولادى. جەتى كۇن بويى ەلوردا اسپانىندا بۇلت ءۇيىرىلىپ, كۇن كۇركىرەپ, وتكىنشى جاڭبىر جاۋادى. بۇل تۋرالى «قازگيدرومەت» مكك حابارلادى.
جول جابىلادى
اقابا (كاناليزاتسيا) سالۋعا بايلانىستى ماسكەۋ كوشەسىنىڭ پوتانين كوشەسىنەن جەڭىس داڭعىلىنا دەيىنگى ارالىعى ون كۇنگە جابىلادى. وسىعان وراي, №4 قالالىق اۆتوبۋستىڭ باعىتى بىلاي وزگەرەدى: تىلەنديەۆ داڭعىلى – بوگەنباي باتىر داڭعىلى – ءارى قاراي بۇرىنعى قوزعالىس كەستەسى بويىنشا.
سانسويلەم
35 053 بيىل تالاپكەرلەرگە وسىنشا گرانت ءبولىندى.
كەشە
تاۋەلسىزدىك سارايىندا «جاقسى كوڭىل-كۇي» اتتى ەلەنا بەيسەمبينانىڭ كورمەسى ءوتتى.
بۇگىن
تاۋەلسىزدىك سارايىندا «كالەيدوسكوپ» كورمەسى ءوتىپ جاتىر.
ەرتەڭ
قازىرگى زامانعى ونەر مۇراجايىندا «قازاقستاننىڭ تۇڭعىش سۋرەتشى-ايەلدەرى» كورمەسى وتەدى.
*ەلوردالار ەندىگى
استانا. «Gevo» كومپانياسى 2014 جىلى استانادا العاشقى ديزەل قوزعالتقىشىن شىعارا باستايدى. بۇل جونىندە قازاقستاننىڭ كولىك قىزمەتكەرلەرىنىڭ كۇنىنە ارنالعان سالتاناتتى جيىندا قر ۇكىمەت باسشىسى سەرىك احمەتوۆ مالىم ەتتى.
تەگەران. قر پرەزيدەنتى نۇرسۇلتان نازارباەۆ جاڭادان سايلانعان يران پرەزيدەنتى حاسان ءرۋحانيدى ۇلىقتاۋ راسىمىنە قاتىستى. ح.رۋحاني ەلدىڭ جوعارعى زاڭنامالىق ورگانى – يران يسلام رەسپۋبليكاسى پارلامەنتى دەپۋتاتتارىنىڭ الدىندا انت بەرىپ, قىزمەتىنە رەسمي تۇردە كىرىستى.
كانبەررا. اۆستراليا ۇكىمەتىنىڭ باسشىسى, سولشىل-ورتالىق, لەيبوريستىك پارتيانىڭ كوشباسشىسى كەۆين رادد 7 قىركۇيەكتە جالپىعا بىردەي سايلاۋ وتكىزىلەتىنىن جاريالادى. الداعى سايلاۋدا وپپوزيتسيا كوشباسشىسى كونسەرۆاتور توني ەببوتا جەڭىسكە جەتۋى مۇمكىن دەگەن بولجامدار ايتىلۋدا.
توكيو. جاپونيا حالىقارالىق عارىش ستانساسىنا «كونوتوري» («اققۇتان») جۇك كەمەسىن عارىشكەرسىز جىبەردى. كەمە تەنەگاسيما عارىش ايلاعىنان ءساتتى ۇشىپ ءوتتى. ول حالىقارالىق عارىش ستانساسىمەن 9 تامىزدا تۇيىسەدى دەپ جوسپارلانۋدا.
ەركەجان ساتىمبەك
