ناق-ناق
«ەحرو-2017» ەسكيز-جوباسىنىڭ كورمەسى
استانادا «ەحرو-2017» كورمەسىنىڭ ەسكيز-نوبايلارىن تانىستىرۋ 3 كۇنگە جالعاسادى.
حالىقارالىق ساۋلەت بايقاۋىنا قاتىسۋشىلاردىڭ ەڭبەگىمەن تانىسۋ ءۇشىن ەلوردانىڭ كەز كەلگەن تۇرعىنىنا 14-16 تامىز كۇندەرى «كورمە» ورتالىعىنىڭ ەسىگى اشىق.
سالىق تولەۋشىلەرگە – بىرىڭعاي بايلانىس ورتالىعى
استانالىق سالىق تولەۋشىلەر وسى سالاعا قاتىستى بارلىق اقپاراتتى تەلەفون ارقىلى بىرىڭعاي بايلانىس ورتالىعىنان الادى. مەملەكەتتىك قىزمەت كورسەتۋ, سالىق زاڭناماسىنىڭ باسقا دا ماسەلەلەرى بويىنشا 1414 جانە 8-800-080-7777 ءنومىرلەرىنە حابارلاسۋ تەگىن.
ەمدەۋ تاجىريبەسىمەن ءبولىستى
استاناعا كەلگەن رەسەيلىك ماماندار ەلوردالىق نەۆرولوگتار مەن رەابەليتولوگتارعا شەبەرلىك ساباقتارىن وتكىزدى.
استانادا 2500-دەن استام بالا سال اۋرۋىنا شالدىققان. №2 قالالىق بالالار اۋرۋحاناسىندا تانىمال رەسەيلىك ماماندار جەرگىلىكتى دارىگەرلەرمەن مۇگەدەك بالالاردى ەمدەۋ تاجىريبەسىمەن ءبولىستى. وعان مۇمكىندىگى شەكتەۋلى بالالاردىڭ اتا-انالارى دا قاتىستى. ۇيىمداستىرۋشىلاردىڭ ايتۋىنشا, الداعى ۋاقىتتا «جۇلدىز-اي» قايىرىمدىلىق قورى استانادا شەتەلدىك ءدارىگەرلەردىڭ كەڭەستەرىن وتكىزۋدى داستۇرگە اينالدىرماق.
سانياعا ساپارلايمىز
قازان ايىندا «الماتى-استانا-سانيا» چارتەرلىك رەيسى قايتا ىسكە قوسىلادى.
قىتايدا جاڭا تۋريستىك ماۋسىمنىڭ اشىلۋىنا بايلانىستى ەكى ەل اراسىندا ىنتىماقتاستىق كەلىسىمىنە قول قويىلدى. ياعني, «الماتى-استانا-سانيا» چارتەرلىك رەيسى قازان ايىندا قىزمەتىن قايتا جاڭعىرتادى. «اتالعان چارتەرلىك رەيس 5 جىلدان بەرى بار. ال, الماتىدان حاينان ارالىنا دەيىنگى تىكەلەي رەيس ءار 10 كۇن سايىن ۇشادى. ءىس-شارا 19 قازان مەن 5 مامىر ارالىعىنداعى جاڭا ماۋسىمنىڭ چارتەرلىك باعدارلاماسىنا ارنالعان» دەيدى قازاقستاندىق تۋريستىك كومپانيا وكىلى ەۆگەنيا كيردان.
سانسويلەم
استانادا ءبىرىنشى جارتىجىلدىقتا وسىنشاما پاتەر پايدالانۋعا بەرىلدى.
كەشە…
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە قازاقستاننىڭ شەتەلدەگى ستۋدەنتتىك ۇيىمدارىنىڭ II سلەتى باستالدى.
بۇگىن…
«قازاقستان» ورتالىق كونتسەرت زالىندا قۇرىلىسشىلار كۇنىنە ارنالعان مەرەكەلىك كونتسەرت وتەدى.
ەرتەڭ…
قازىرگى زامانعى ونەر مۇراجايىندا بەلگىلى شەبەر تايماس مۇقاشەۆتىڭ اشەكەي بۇيىمدارى كورمەسى جالعاسادى.
گۇلميرا ايماعانبەت