كەشە «كونرەسس-حولل» سارايىندا استانا قالاسى ءبىلىم باسقارماسى مەن وقۋشىلار سارايىنىڭ ۇيىمداستىرۋىمەن «بالالىق بويتۇمارى» اتتى مەرەكەلىك كونتسەرت ءوتتى. وعان تاربيەلەنۋشىلەرمەن بىرگە اتا-انالار, ۇستازدار جانە ارنايى شاقىرىلعان مەيماندار قاتىستى.
1 ماۋسىم – بالالاردى قورعاۋ كۇنى قارساڭىندا وتكىزىلىپ وتىرعان ءىس-شارا بارىسىندا وقۋشىلار سارايىنىڭ ونەر, ءبىلىم, عىلىم, سۋرەت, ۆوكال, سپورت, ديزاين, بي, روبوت تەحنيكاسى ۇيىرمەسى بويىنشا جۇزدەن اسا تاربيەلەنۋشىسى وسىنداعى وقىپ-ۇيرەنگەندەرىن كوپشىلىك نازارىنا ۇسىندى.
وقۋشىلار سارايىنداعى ءار ۇيىرمەنىڭ ءوسىپ كەلە جاتقان وسكەلەڭ ۇرپاقتى سان ءتۇرلى ونەرگە باۋلىپ, ولاردىڭ جان-جاقتى ءوسىپ-وركەندەۋىنە قوسار ۇلەسى مول ەكەنى ءسوزسىز. مۇنداي تاربيەلىك, تانىمدىق قادامدار بالانىڭ بولاشاق سۇيىكتى ماماندىعىن تاڭداپ, ومىردەگى ءوز جولىن ايقىنداۋىنا دا اسەر ەتەدى.
سوندىقتان, «بالالىقتىڭ بويتۇمارى» اتتى كونتسەرت باعدارلاماسىنا ەنگىزىلگەن جاس تالانتتار ونەرىنىڭ بالاۋسا كورەرمەندەرگە بەرەر تاربيەلىك ءمانى زور بولدى.
جۇما عازيەۆ
