كەشە استانا قالاسىنىڭ اكىمى ادىلبەك جاقسىبەكوۆ كەزەكتەن تىس پرەزيدەنت سايلاۋىن وتكىزۋگە بەلسەندى اتسالىسقان ءبىر توپ استانالىققا مەملەكەت باسشىسىنىڭ اتىنان العىس حات تابىستادى.
جيىندى اشقان ەلوردا اكىمى ەلىمىزدىڭ بولاشاعى ءۇشىن ماڭىزدى ۋاقيعادان استانالىقتار دا تىسقارى قالماي, داۋىس بەرۋشىلەرى جاعىنان ەلىمىز بويىنشا ەكىنشى ورىن العانىن اتاپ ءوتتى.
– ەلباسى نۇرسۇلتان نازارباەۆتىڭ سايلاۋشىلاردىڭ 97,75% داۋىسىن جيناپ, ايقىن جەڭىسكە جەتۋى – ەل ازاماتتارىنىڭ پرەزيدەنتكە دەگەن نىق سەنىمىنىڭ كورىنىسى. پرەزيدەنتتىڭ باس شاھارعا دەگەن ىقىلاسى ەرەكشە. بۇگىندە استانانى كۇللى الەم تانيدى. كەزىندەگى شاعىن قالانىڭ از ۋاقىتتىڭ ىشىندە قارقىندى دامىپ, قازىرگىدەي جوعارى دەڭگەيگە جەتۋى – ەلباسىنىڭ ەڭبەگى. استانالىقتاردىڭ سايلاۋعا ءبىر كىسىدەي قاتىسۋىن – ولاردىڭ مەملەكەت باسشىسىنا دەگەن لايىقتى قۇرمەتى دەپ بىلەمىن, – دەدى ادىلبەك رىسكەلدىۇلى.
اكىم مەملەكەت باسشىسى جۇكتەگەن مىندەتتەردى جۇزەگە اسىرۋ جولىندا جۇمىس ىستەپ, ەلىمىزدە اتقارىلىپ جاتقان شارالاردى حالىققا جەتكىزىپ جۇرگەن «نۇر وتان» پارتياسى مەن ەلباسىن قولداۋشىلاردىڭ ەڭبەگىن دە ايرىقشا اتاپ ءوتتى. ەلوردادا سايلاۋ كەزىندە قر پرەزيدەنتتىگىنە كانديدات ن.ءا.نازارباەۆتىڭ 672 سەنىمدى وكىلى تىركەلگەن ەكەن. اكىمنىڭ ايتۋىنشا, قوعامدىق شتاب ءارتۇرلى سيپاتتاعى 1557 شارا وتكىزىپ, 426 مىڭ ادامدى قامتىعان.
ءىس باسىنداعى پرەزيدەنتتى قولداۋشىلار ەڭبەك ۇجىمدارىمەن, جاستارمەن, كوپتەگەن الەۋمەتتىك ۇيىمدارمەن كەزدەسۋلەر وتكىزىپ, سايلاۋدىڭ ماڭىزدىلىعىن جانە «نۇرلى جول» جولداۋى اياسىنداعى باعدارلامالار ءمانىن ءتۇسىندىرۋ شارالارىن بەلسەندى جۇرگىزگەن. اتاپ ايتقاندا, جاستار فلەشموبتارى, جەڭىستىڭ 70 جىلدىعىنا ارنالعان قايىرىمدىلىق اكتسيالار سىندى باس-اياعى 47 شارا وتكىزگەن. ولارعا 32 مىڭداي قالا تۇرعىندارى قاتىسقان قۇراعان. ال ايماقتىق جۇيەلى كەستە اياسىندا 229 شارا ۇيىمداستىرىلىپ, 200 مىڭ ادام قامتىلعان.
– مۇنىڭ بارلىعى – نۇرسۇلتان ءابىشۇلىنىڭ سايلاۋداعى جەڭىسىنە سۇبەلى ۇلەس قوسقان شارالار. شتاب مۇشەلەرىنىڭ ارقايسىسى ەلىمىز ءۇشىن ماڭىزدى ىسكە وزىندىك ۇلەسىن قوستى. سوندىقتان, سىزدەردى قاجىرلى ەڭبەكتەرىڭىزدى باعالاپ, ەلباسىنىڭ العىسىن جەتكىزگىم كەلەدى, – دەپ ادىلبەك رىسكەلدىۇلى پرەزيدەنتتىڭ العىسحاتىن العانداردىڭ قاتارىندا قازاقستان رەسپۋبليكاسىنىڭ پرەزيدەنتتىگىنە كانديدات ن.ءا.نازارباەۆتىڭ قوعامدىق شتابىنىڭ استانا قالالىق فيليالىنىڭ مۇشەلەرى: شتاب توراعاسى, پارتيانىڭ قالالىق فيليالى توراعاسىنىڭ ءبىرىنشى ورىنباسارى, قالالىق ءماسليحات دەپۋتاتى س.احمەتوۆ, ءماسليحات دەپۋتاتتارى گ.دانباەۆا, ۆ.دوساەۆ, ت.ەگىنباەۆ, ك.جاۋحانوۆ, ز.ءجۇسىپوۆا, ا.كيم, ك.قۇلمىقانوۆ, ب.سولسانوۆ, ت.ورازاقوۆ, ا.بايگەنجين, م.ورالوۆ, ا.كۇرىشباەۆ, س.حامحوەۆ, م.شايداروۆ, ز.شيبكەنوۆ, ش.حاحازوۆ, «نۇر وتان» پارتياسىنىڭ ااف ساياسي كەڭەسىنىڭ مۇشەسى, پولشانىڭ ەڭبەك سىڭىرگەن ءارتىسى ب.ىسقاقوۆا, «نۇر» اۋماقتىق فيليالىنىڭ توراعاسى, «نۇر وتان» پارتياسىنىڭ ل.ن.گۋميلەۆ اتىنداعى ەۇۋ ءبىرىنشى پرورەكتورى د.نۇرمانبەتوۆا, «قازاقستان ينجينيرينگ ۇك» اق اپپارات باسشىسى ءا.بەرگەنەۆ, قر يدم «قازاەروناۆيگاتسيا» رمك اپپارات باسشىسى ك.كاكەن, «رەسپۋبليكالىق بالالاردى وڭالتۋ ورتالىعى» اق باسقارما ءتورايىمى ش.بولەكباەۆا بار.
قىمبات توقتامۇرات
