بيىل ەلوردادا سالىناتىن جاڭا تۇرعىن ءۇي كەشەندەرىنىڭ ءبىرىنشى قاباتىندا وڭالتۋ ورتالىقتارى اشىلادى. بۇل تۋرالى قالا اكىمى جەڭىس قاسىمبەك ءمالىم ەتتى.
«ەرەكشە قاجەتتىلىكتەرى بار بالالاردى مەديتسينالىق جانە قاجەتتى كومەكپەن بارىنشا قامتۋ ءۇشىن وڭالتۋ ورتالىقتارىنىڭ جەلىسىن كەڭەيتۋ بويىنشا جۇيەلى جۇمىس جۇرگىزەمىز. بيىل بىرقاتار مەكتەپتەر مەن بالاباقشالاردا ينكليۋزيانى قولداۋ كابينەتىن اشۋدى جوسپارلاپ وتىرمىز. سول سياقتى جاڭا تۇرعىن ءۇي كەشەندەرىنىڭ ءبىرىنشى قاباتىندا الەۋمەتتىك نىسانداردى, ونىڭ ىشىندە وڭالتۋ ورتالىقتارىن اشۋدى قاراستىرامىز. مۇنداي ورتالىقتاردىڭ اشىلۋىن اتا-انالار تاعاتسىزدانا كۇتەتىنىن بىلەمىن» دەدى جەڭىس قاسىمبەك.
«اسىل ميراس» اۋتيزم سپەكترى بۇزىلعان بالالارعا ارنالعان ورتالىققا باردىم. بۇل – بولات وتەمۇراتوۆ قورى اكىمدىكتىڭ قولداۋىمەن جۇزەگە اسىرعان استاناداعى ەكىنشى ورتالىق. قازىر مۇعالىمدەردى قابىلداۋ جۇمىسى ءجۇرىپ جاتىر, كوپ ۇزاماي بالالار وسى ورتالىققا باراتىن بولادى. جاڭا ورتالىق جىلىنا 900-گە جۋىق بالانى قامتي الادى» دەپ ءتۇسىندىردى قالا باسشىسى.
اكىم سونداي-اق ەرەكشە قاجەتتىلىكتەرى بار بالالار قاتىنايتىن №89 بالاباقشاعا باردى. وندا «بولاشاق» كورپوراتيۆتىك قورىمەن بىرلەسىپ ينكليۋزيانى قولداۋ كابينەتتەرى اشىلدى. كەزدەسۋدە اتا-انالار تيۋتورلاردى دايىنداۋ ماسەلەسىن كوتەردى. «ءبىز وسى باعىتتا جۇمىس ىستەيمىز. وڭالتۋ ورتالىقتارى بالالاردىڭ دەنساۋلىعىن ساقتاۋعا, وڭ ناتيجەلەر كورۋگە ءارى ولاردى الەۋمەتتەندىرۋگە مۇمكىندىك بەرەدى. بارىنەن بۇرىن, بالالاردىڭ الەۋمەتتەنۋى ماڭىزدى» دەدى ج.قاسىمبەك.
