وتاندىق ونىمدەردىڭ ساۋدا ءۇيى

استانا كۇنى مەرەكەسىنە وراي ەلوردادا وتاندىق تاۋار وندىرۋشىلەردىڭ العاشقى ساۋدا ءۇيى اشىلادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا قازاقستاننىڭ ساۋدا كاسىپورىندارى قاۋىم­داستىعىنىڭ ۆيتسە-پرەزيدەنتى قايىرلى تاۋكەن مالىمدەدى.

«بارلىعى ءۇي مەن باقشاعا ارنالعان», «تۋريزم, ساناتوري جانە قازاقستانعا ساياحات», «بالالار پاركى», «ايەلدەر الەمى», «فارماتسەۆتيكا», «قولونەر شەبەرلەرىنىڭ قالاشىعى», «ازىق-تۇلىك» سەكىلدى سەكتسيالارعا بولىنەتىن ساۋدا ءۇيىنىڭ اۋماعى باستاپقى كەزدە 5 مىڭ شارشى مەتردى قۇرايدى. ونداعى تاۋارلار مەن قىزمەتتەردىڭ ءبارى «قازاقستاندا جاسالعان» جانە «حالىق ماركاسى» ساپا بەلگىسىمەن ۇسىنىلاتىن بولادى. ساۋدا ۇيىندە 14 وبلىستان كەلگەن 300-گە جۋىق فيرما مەن كومپانيا ورنالاسادى.
جاڭا ساۋدا ءۇيى وتاندىق جانە شەتەلدىك ديستريبيۋتەرلەرمەن تىكەلەي جۇمىس ىستەۋگە مۇمكىندىك بەرەدى. ياعني, ەل ەكسپورتىن ارتتىرۋعا جاعداي جاسالادى. مۇندا باعانىڭ وسىمىنە اسەر ەتەتىن دەلدالدىق جۇيە بولمايتىندىقتان, بارلىق تاۋارعا بەكىتىلەتىن ۇستەمە باعا 3-7 پايىزدان اسپايتىن بولادى.
وتاندىق وندىرۋشىلەردىڭ العاشقى ساۋدا ءۇيىن 6 شىلدە كۇنى پايدالانۋعا بەرۋ جوسپارلانىپ وتىر.

ءمادينا جاقىپ