قايرات ىسقاقوۆ: ەڭبەك ينسپەكتورلارى جۇمىسشىلار مۇددەسىن قورعايدى
قايرات ىسقاقوۆ, استانا قالاسى ەڭبەك ينسپەكتسياسى جونىندەگى باسقارما باسشىسىنىڭ ورىنباسارى:
– جىل باسىنان بەرى باسقارماعا قانشا ادام حابارلاستى؟
– ۇستىمىزدەگى جىلدىڭ ون ءبىر ايىندا ءبىزدىڭ باسقارماعا جەكە جانە زاڭدى تۇلعالاردان 1947 ءوتىنىش ءتۇستى. سونىمەن بىرگە 500-دەن استام ادامعا ەڭبەك زاڭناماسى جانە ەڭبەكتى قورعاۋ ماسەلەلەرى بويىنشا اۋىزشا كەڭەس بەرىلدى. ەڭبەك زاڭناماسىنىڭ ساقتالۋىن باقىلاۋ بارىسىندا 584 زاڭ نورمالارىن بۇزۋشىلىق انىقتالدى. تەكسەرىس قورىتىندىسى بويىنشا ولاردى جويۋعا 201 ۇيعارىم بەرىلىپ, 35,7 ملن تەڭگە سوماعا 296 لاۋازىمدى جانە زاڭدى تۇلعالار اكىمشىلىك جاۋاپكەرشىلىككە تارتىلدى. ولاردىڭ اراسىندا 25,3 ملن تەڭگە ءوز ەركىمەن ءوندىرىلدى.
– جالاقىنى ۋاقىتىلى تولەمەيتىن جۇمىس بەرۋشىلەر ءالى دە بار ما؟
– بۇگىنگى كۇندە ەڭبەكاقىنى كەشىكتىرگەن جۇمىس بەرۋشى جوق. ال, 2014 جىلدىڭ 1-جەلتوقسانىنا دەيىنگى مەرزىمدە مەملەكەتتىك ەڭبەك ينسپەكتورلارىنىڭ دەرەۋ ارالاسۋىمەن 543 جۇمىسكەردىڭ الدىنداعى ەڭبەكاقىسىنىڭ بەرەشەگى بويىنشا 85 ملن تەڭگە تولەندى.
– ەڭبەك زاڭناماسىنىڭ بۇزۋشىلىقتارىن بولدىرماۋ ماقساتىندا تاعى قانداي شارالار جۇزەگە اسىرىلىپ جاتىر؟
– قازاقستان رەسپۋبليكاسى ەڭبەك زاڭناماسىن ءتۇسىندىرۋ بويىنشا «ەسىل» اۋدانى اكىمدىگىنىڭ اپپاراتى» مەملەكەتتىك مەكەمەسى عيماراتىندا اشىق ەسىك كۇنى وتكىزىلدى. ونداعى ماقسات – قازاقستان رەسپۋبليكاسىنىڭ ەڭبەك زاڭناماسىنىڭ بۇزۋشىلىقتارىن بولدىرماۋ ءۇشىن جۇمىس بەرۋشىلەردىڭ جانە جۇمىسكەرلەردىڭ قۇقىقتارى مەن مىندەتتەرىن ءتۇسىندىرۋ.
سونىمەن بىرگە ءبىزدىڭ باسقارمادا ينتەرنەت-رەسۋرس تولىق كولەمدە جۇمىس ىستەيدى. وندا ەڭبەك زاڭناماسى ماسەلەلەرى بويىنشا ازاماتتارعا قۇقىقتىق كومەك كورسەتۋ ماقساتىندا «جۇمىس بەرۋشىلەردىڭ جانە جۇمىسكەرلەردىڭ كومەگىنە» دەگەن ءبولىم قوسىلعان.
جالپى مەملەكەتتىك ەڭبەك ينسپەكتورلارى ەلدەگى ەڭبەكشىلەردىڭ مۇددەسىن قورعايدى. ولار كوبىنەسە جالاقىنى تولەمەۋ, جالاقىنى كەشىكتىرۋ, جۇمىس بەرۋشىنىڭ كىناسىنەن جۇمىستىڭ بوس تۇرىپ قالۋىنا وتەماقى تولەمەۋ, ەڭبەك شارتى توقتاتىلعان ۋاقىتتا قىزمەتكەرلەرگە ءتيىستى سوڭعى ەسەپ ايىرىسۋدى جۇرگىزبەۋ, ەڭبەك شارتىن جاساقتاماۋ, ەڭبەك شارتتارىن زاڭسىز بۇزۋ فاكتىلەرى بويىنشا شاعىمدانعانداردىڭ ماسەلەسىمەن اينالىسادى. وسىنداي ەڭبەك زاڭناماسىنىڭ بۇزۋشىلىقتارىن بولدىرماۋ ءۇشىن ءبىزدىڭ باسقارماداعى مەملەكەتتىك ەڭبەك ينسپەكتورلارى جۇمىس بەرۋشىلەرگە دە, جۇمىسكەرلەرگە دە ءارتۇرلى قۇقىقتىق كومەك كورسەتۋگە دايىن. بۇل رەتتە ءبىز ازاماتتاردى كۇن سايىن دۇيسەنبىدەن باستاپ جۇماعا دەيىن قابىلدايمىز نەمەسە www.uit.astana.kz سايتى ارقىلى وزدەرىڭىزگە قاجەتتى بارلىق اقپاراتتاردى الۋعا بولادى.
گۇلبارشىن وكەشقىزى