استانا قالاسىنىڭ پوليتسەيلەرى ەندى وزەن بويىنداعى جاعدايدى دا باقىلايتىن بولادى. ولار ەلىمىزدە شىعارىلعان «Kazboat-47» پاترۋلدىك قايىعىمەن ءتارتىپ كۇزەتەدى.
استانا قالالىق ىشكى ىستەر دەپارتامەنتىنىڭ باسشىسى, پوليتسيا گەنەرال-مايورى امانتاي اۋباكىروۆتىڭ ايتۋىنشا, ەلوردالىق پوليتسەيلەردىڭ مىندەتىنە ءتارتىپتى كۇزەتۋ, قۇقىق بۇزۋشىلىقتىڭ الدىن الۋ, جەدەل ىزدەستىرۋ, سونداي-اق, قۇتقارۋ جۇمىستارىن جۇرگىزۋ كىرەدى. كەمە سۋداعى پوليتسيا پۋنكتى بولىپ ەسەپتەلەدى.
پوليتسيا جاساعىنىڭ قۇرامىندا استانا قالالىق ءىىد جەرگىلىكتى پوليتسيا قىزمەتىنىڭ جول-پاترۋلدىك پوليتسيا پولكىنىڭ ارنايى دايىندىقتان وتكەن ەكى قىزمەتكەرى جانە ءبىر كەمە جۇرگىزۋشىسى بار.
پاترۋلدەۋ ۋاقىتى – كۇن سايىن ساعات 14:00-دەن باستاپ 21:00-گە دەيىن.
پوليتسيانىڭ كەمەسى دابىل, جىلجىمالى راديوقۇرىلعى جانە باسقا دا قاجەتتى ارنايى قۇرالدارمەن, سونداي-اق, قۇتقارۋ كۇرتەلەرىمەن, ءورت سوندىرگىش قۇرالدار مەن العاشقى مەديتسينالىق كومەك كورسەتۋگە ارنالعان قوبديشامەن جابدىقتالعان.
قايىقتىڭ ۇزىندىعى – 4,88 م, ەنى – 1,75 م, قۇرىلىمدىق كولەمى – 250 كەلى, جۇك كوتەرۋ مولشەرى – 700 كەلى. قوزعالتقىش قۋاتى 60 اتتىڭ كۇشىمەن تەڭ. كەمەگە 5 جولاۋشى سىيادى.
