وتكەن سەنبىدە استانا اكىمى ءا.جاقسىبەكوۆ «قولجەتىمدى باسپانا – 2020» جانە تۇرعىن ءۇي قۇرىلىسىن دامىتۋ مەملەكەتتىك باعدارلامالارى بويىنشا قالادا سالىنىپ جاتقان نىسانداردى ارالادى.
قالا باسشىسى ن.تىلەنديەۆ داڭعىلىنىڭ وڭتۇستىگىندە, قورعالجىن تاس جولى مەن بەيسەكوۆا كوشەسىنىڭ قيىلىسىندا, بەيسەكوۆا مەن سىعاناق, بايتۇرسىنوۆ پەن جۇماباەۆ, يمانوۆ جانە برۋسيلوۆسكي كوشەلەرىنىڭ قيىلىسىندا ورنالاسقان كوپ پاتەرلى تۇرعىن ءۇي كەشەندەرىنىڭ جاعدايلارىن تەكسەردى. سونىمەن قاتار, نىسانداردى ارالاۋعا استانا قالاسى اكىمىنىڭ ورىنباسارى سەرگەي حوروشۋن, الماتى, سارىارقا جانە ەسىل اۋداندارىنىڭ اكىمدەرى, قۇرىلىس, جولاۋشىلار كولىگى جانە اۆتوموبيل جولدارى باسقارمالارىنىڭ باسشىلارى دا قاتىستى.
ەلوردادا «قولجەتىمدى باسپانا-2020» باعدارلاماسىن جۇزەگە اسىرۋ كەزىندە جالپى اۋدانى 84,06 مىڭ شارشى مەتر 1 581 پاتەرلىك 7 تۇرعىن ءۇي كەشەنى پايدالانۋعا بەرىلدى.
جىل سوڭىنا دەيىن تاعى دا جالپى اۋدانى 95,4 مىڭ شارشى مەتر 1 833 پاتەرلىك التى تۇرعىن ءۇي كەشەنى تاپسىرىلماق. ال, 2015 جىلى جالپى اۋدانى 108,4 مىڭ شارشى مەتر 1 937 پاتەر مەن ون كوپ پاتەرلىك تۇرعىن ءۇيدىڭ قۇرىلىسى جالعاسادى.
سونداي-اق, تۇرعىن ءۇي قۇرىلىسىن دامىتۋ باعدارلاماسىن جۇزەگە اسىرۋ اياسىندا جالپى اۋدانى 367,3 مىڭ شارشى مەترلىك 4 969 پاتەر پايدالانۋعا بەرىلسە, بۇگىنگى تاڭدا جالپى اۋدانى 265,94 مىڭ شارشى مەترلىك 5 759 پاتەردىڭ قۇرىلىسى اياقتالدى.
باعدارلاما شەڭبەرىندە اپاتتى جاعدايداعى ۇيلەردى بۇزۋ جونىندەگى قاناتقاقتى جوبا دا ساتىمەن قولعا الىندى.
2020 جىلعا دەيىن اتالعان باعدارلاما اياسىندا 680 مىڭ شارشى مەتر نەمەسە 12 مىڭ پاتەر تاپسىرۋ كوزدەلۋدە.
جوسپار بويىنشا 2017 جىلعا دەيىن بۇزىلاتىن 228 اپاتتى جاعدايداعى ءۇيدىڭ ورنىنا جاڭا تۇرعىن ءۇي كەشەندەرى مەن باسقا دا نىساندار سالىنادى.
ساعي ورال
