قار تازالاۋ قارقىندى
استانادا اۋا رايىنىڭ وزگەرۋىنە بايلانىستى قالانىڭ كوممۋنالدىق قىزمەتتەرى كۇشەيتىلگەن تارتىپتە جۇمىس ىستەپ جاتىر.
بۇگىندە باس قالانىڭ كۇن رايى مىڭ قۇبىلىپ تۇر. اپتا باسىندا كۇن كۇرت جىلىپ, جولدار مەن ساي-سالانىڭ ءبارى سۋعا تولىپ كەتكەن ەدى. ونىڭ ارتىنشا ەرىگەن قار سۋىنان جولدا قاتقاق پايدا بولدى. بەيسەنبىدەن باستاپ جاپالاقتاپ قار جاۋىپ, قالا اپپاق كورپەگە وراندى. ارينە, قاردىڭ جاۋعانىنا جۇرتشىلىق قۋانعانىمەن, ەلوردالىق كوممۋنالدىق قىزمەتىنىڭ جۇمىسى قىزا ءتۇستى.
مول جاۋعان قاردى قالادان ءاپ-ساتتە تازارتىپ شىعارۋ وڭاي ەمەس. سوندىقتان استانادا قار جيناۋ جۇمىستارى بەيسەنبىدەن باستاپ تاڭعى سەگىزدەن ءجۇرگىزىلۋدە. بۇگىندە بارلىق اۋدانداردىڭ اۋماعىندا 211 ارنايى تەحنيكا جۇمىس ىستەپ, ونى تازارتۋ جۇمىستارىنا 335 ادام تارتىلىپ وتىر.
«استانا تازالىق» جشس مالىمەتتەرى بويىنشا, 12 قازاننان 9 قاراشاعا دەيىنگى ارالىقتا قالانىڭ بارلىق اۋداندارىندا كوكتايعاققا قارسى رەاگەنت قولدانىلىپ, 1852,5 تەكشە مەتر قۇم-تۇز قوسپاسى, 389,90 توننا «ايسمەلت» رەاگەنتى سەبىلىپ, 7229 تەكشە مەتر قار شىعارىلعان.
سينوپتيكتەردىڭ بولجامىنشا, الداعى كۇندەر دە بۇلتتى بولىپ, وقتىن-وقتىن قار جاۋادى, جولداردا كوكتايعاق بولادى دەپ كۇتىلۋدە.
ازامات ەسەنجول