«نۇر وتان» پارتياسى استانا قالالىق فيليالىنىڭ قوعامدىق قابىلداۋ بولىمىنە كوبىنەسە جالاقى قارىزى بويىنشا وتىنىشتەر كوپ تۇسەدى.
بۇگىنگە دەيىن ازاماتتاردىڭ ەڭبەك داۋى بويىنشا بارلىعى 3 169 ءوتىنىش كەلىپ تۇسكەن. ارينە, ەڭبەك داۋى جالاقى تولەنبەۋىنەن تۋادى. ماسەلەن, امانجول تەمىرباەۆ پارتيانىڭ قوعامدىق قابىلداۋ بولىمىنە جۇگىنىپ, استانا قالاسى اكىمىنىڭ ورىنباسارى اندرەي لۋكيننىڭ قابىلداۋىنا شاقىرىلدى. قابىلداۋدان سوڭ ارىزدانۋشىعا قارىزى تولىق كولەمدە تولەنىپ, ماسەلەسى وڭ شەشىلدى.
اسىرەسە, ەلوردا تۇرعىندارى تۇرعىن ءۇي, قۇقىقتىق جانە جۇمىسپەن قامتۋ سەكىلدى ماسەلەلەرمەن قوعامدىق قابىلداۋ بولىمىنە ءجيى كەلەدى. ولارعا وسى سالاعا جاۋاپتى ماماندار كەزدەسۋ وتكىزىپ, ءتۇسىندىرۋ جۇمىستارىن جۇرگىزەدى.
«نۇر وتان» پارتياسى استانا قالالىق فيليالىنىڭ قوعامدىق قابىلداۋ بولمەسىندە تۇراقتى تۇردە استانا قالاسى اكىمىنىڭ ورىنباسارلارى, باسقارمالار, دەپارتامەنتتەر جانە قۇقىق قورعاۋ ورگاندارىنىڭ باسشىلارى قابىلداۋ وتكىزەدى. سونداي-اق, قر پارلامەنت ءماجىلىسىنىڭ دەپۋتاتتارى پاۆەل كازانتسەۆ, تاتيانا ياكوۆلەۆا, قانات مۋسين, ساپار احمەتوۆ, سۆەتلانا بىچكوۆا جانە ءجاميلا نۇرمانبەتوۆا ازاماتتاردى اي سايىن قابىلداپ, جۇزدەسىپ وتىرادى. استانا قالالىق ءماسليحاتىنىڭ دەپۋتاتى يليا مەششەرياكوۆ تا ءوز سايلاۋشىلارىمەن اي سايىن كەزدەسەدى.
قازىرگى تاڭدا «نۇر وتان» پارتياسى استانا قالالىق فيليالى قوعامدىق قابىلداۋ نەگىزىندە اپتا سايىن «زاڭ اقيقاتاستانا» جشس زاڭگەرلەرى جانە مەدياتورلارىمەن, «قازاقستان تۇرعىن ءۇي قۇرىلىس جيناق بانكى» اق كەڭەسشىلەرىمەن زاڭدىق كەڭەستەر مەن پسيحولوگتىڭ تەگىن كەڭەسى وتكىزىلەدى. سونىمەن بىرگە, حالىققا ەڭبەك, جەر, تۇرعىن ءۇي زاڭنامالارىن ءتۇسىندىرۋ جۇمىستارىن ۇيىمداستىرۋعا كوشپەلى قوعامدىق قابىلداۋ بولادى. وعان 842 ازامات جازىلعان.
بۇگىنگە دەيىن «نۇر وتان» پارتياسى استانا قالالىق فيليالى 274 ازاماتتى قابىلداپ, ءۇش كوشپەلى قوعامدىق قابىلداۋ ۇيىمداستىرعان.
سونداي-اق, «بيزنەستىڭ جول كارتاسى-2020», «جۇمىسپەن قامتۋ جول كارتاسى-2020» باعدارلامالارىن ىسكە اسىرۋ سۇراقتارى بويىنشا «جولداعى قابىلداۋ», «ادىلەت كەڭەس بەرەدى» اتتى قوعامدىق قابىلداۋدىڭ رەسپۋبليكالىق شارالارىندا ەلوردالىق 2 978 ازاماتقا كەڭەس بەرىلگەن.
تۇيىندەپ ايتقاندا, قوعامدىق قابىلداۋ بولىمىنەن ادامدار ءوز سۇراقتارىنا تۇشىمدى جاۋاپ پەن كەڭەس الاتىندىقتان, ءوتىنىش ءبىلدىرۋشى ەلوردالىقتاردىڭ سانى ءوسىپ كەلەدى.
