ەلوردالىق ۇلەسكەرلەردىڭ ءۇيى ۇزدىكتىرمەيدى
استانا قالاسى اكىمىنىڭ ءبىرىنشى ورىنباسارى سەرگەي حوروشۋننىڭ توراعالىعىمەن ۇلەستىك قاتىسۋ ماسەلەلەرى بويىنشا ۆەدومستۆوارالىق كوميسسيانىڭ كەزەكتى وتىرىسى ءوتتى.
جيىندا ۇلەستىك سالاعا بايلانىستى وزەكتى ماسەلەلەر كەڭىرەك قوزعالدى. ايتالىق, «اسسم-01» جشس نىسانى بويىنشا كومپانيانىڭ باس ديرەكتورى «اق ەركە-2» جانە «التىن بۇلاق» تك قۇرىلىسىن جالعاستىرۋ ءۇشىن قىتايلىق
ينۆەستورلاردان ترانشتىڭ تۇسكەنىن جەتكىزدى. ونىڭ ايتۋىنشا, «التىن بۇلاق» تك قۇرىلىسى 2017 جىلدىڭ ءىى توقسانىندا, «مەدينا» تۇرعىن ءۇي كەشەنى الداعى 1 قازانعا دەيىن, «قورعالجىن كۆارتالى» 1 جەلتوقسانعا دەيىن, «اق ەركە-2» 30 قازانعا دەيىن اياقتالماق.
سونىمەن بىرگە, قۇرىلتايشىنىڭ دەر كەزىندە قارجىلاندىرماۋىنىڭ سالدارىنان «وبەرەگ» جشس-نە تيەسىلى «وبەرەگ» تۇرعىن ءۇي كەشەنىنىڭ قۇرىلىسى باياۋ جۇرگىزىلۋدە. جوبالاۋشى كومپانيانىڭ مالىمەتىنشە, 1 قىركۇيەككە دەيىن ينجەنەرلىك جەلىلەر بويىنشا جوبا «مەملەكەتتىك ساراپتاما» رمك قاراۋىنا ۇسىنىلادى.
سونداي-اق, «ارابي-1», ارابي-2», «سامال» تك-نە («كۆارتيرى نس» جشس) قاتىستى كوميسسيانىڭ كومەگىمەن جاڭا سالۋشى-ينۆەستور انىقتالدى.
«ارابي-1» تۇرعىن ءۇي كەشەنىنىڭ 80 پايىزى دايىن. كوميسسيا مۇشەلەرى ۇلەسكەرلەرگە «ارابي-1» تۇرعىن ءۇي كەشەنى قۇرىلىسىن ءبىتىرۋ جانە نىساندى تاپسىرۋ ءۇشىن قۇرىلعان تقك پايداسىنا بەرۋ تۋرالى سوتقا تالاپ-ارىز بەرۋدى ۇسىندى.
اتالعان كوميسسيا جۇمىسىنىڭ قورىتىندىسى جانە ونىڭ ۇسىنىستارى بويىنشا استانا قالاسىنىڭ اكىمدىگى «تەرريتوريا كومفورتا-1» تۇرعىن ءۇي كەشەنىنىڭ نىسانىن جوبالاۋعا رۇقسات بەردى. ال «Future Home Astana» تۇرعىن ءۇي كەشەنى جانە «ەسىل ەك» تۇرعىن ءۇي كەشەنى قۇرىلىسى جۇمىس جوبالارىنىڭ ساراپتاماسى بولماعاندىقتان توقتاتىلدى. قازىرگى تاڭدا وعان قاجەتتى ساراپتاما كەلىسىمنەن وتكىزىلۋدە.
كوميسسيا وتىرىسىندا قالادا سالىنىپ جاتقان ءاربىر قۇرىلىس نىسانى نازاردان تىس قالعان جوق. جيىندا كوتەرىلگەن ءماسەلەلەردىڭ بارلىعى كوميسسيانىڭ باقىلاۋىندا بولماق.