«BI-Group» ينۆەستيتسيالىق قۇرىلىس حولدينگىنىڭ قۇرىلىس سالاسىنداعى العاشقى بىرلەسكەن ۋنيۆەرسيتەتى ءبىلىم جەتىلدىرۋدى نيەت ەتكەن جاستارعا ەسىگىن اشتى.
«كومپانيادا كورپوراتيۆتى جوعارى وقۋ ورنىن اشۋ تۋرالى وي وسى جىلدىڭ باسىندا تۋىنداعان بولاتىن. ەندى, مىنە, ىزگى ماقساتىمىزدىڭ جۇزەگە اسىرىپ جاتقانىنا قۋانىشتىمىز. ءبىز الدىمەن قازاقستانداعى تاڭداۋلى جوعارى وقۋ ورىندارىنىڭ ستۋدەنتتەرىن قىزمەتكە الىپ, BI-سىناق مەرزىمىنەن ءوتۋشى باعدارلاماسى بويىنشا جۇمىس ىستەۋگە كىرىسكەن بولاتىنبىز. قازىرگى كۇندە ولار تاجىريبە جيناقتاۋدا. الداعى ۋاقىتتا ءدال وسى جاستار كومپانيامىزدىڭ دامۋىنا ءوز ۇلەستەرىن قوسادى دەگەن ۇمىتتەمىز» دەيدى كومپانيانىڭ باسقارما توراعاسى ا.وماروۆ.
جاڭا بىرلەسكەن جوعارى وقۋ ورنىنىڭ ديرەكتورى ايناگۇل احمەتوۆانىڭ ايتۋىنشا, مۇنداي ءبىلىم ورداسىن اشۋ ارقىلى كومپانيا بىلىكتى ماماندارعا دەگەن زارۋلىكتىڭ الدىن الىپ, ۇيىمنىڭ مىقتى ماماندارمەن تولىعۋىنا قول جەتكىزدى. بىرلەسكەن ۋنيۆەرسيتەت بارلىق دەڭگەيدەگى قىزمەتكەرلەرىن وقىتۋدا حالىقارالىق ءىرى كومپانيالاردىڭ تاجىريبەسىنە سۇيەنۋدى جوسپارلاپ وتىر.
گۇلبارشىن وكەشقىزى
