ەلوردالىق قورشاعان ورتانى قورعاۋ جانە تابيعاتتى پايدالانۋ باسقارماسى ستيحيالىق قوقىس ۇيىندىلەرىنىڭ پايدا بولۋ اۋقىمىن ازايتۋ ءۇشىن قۇرىلىس قالدىقتارىن قابىلداۋ جانە قايتا وڭدەۋ بويىنشا سانكتسيالانعان الاڭدى ىسكە قوستى.
الاڭدا بەتون, كىرپىش, اسفالت, تەمىربەتون جانە قاتتى قۇرىلىس قالدىقتارىنىڭ وزگە دە تۇرلەرى قابىلدانادى.
ەكولوگيالىق كودەكستىڭ 376-بابىنا سايكەس قۇرىلىس قالدىقتارى تىكەلەي قۇرىلىس الاڭىندا نەمەسە ارنايى جەردە قالدىقتاردىڭ باسقا تۇرلەرىنەن مىندەتتى تۇردە بولىنۋگە جاتادى.
قۇرىلىس كومپانيالارىنىڭ ءبارى ەكولوگيالىق زاڭناما تالاپتارىن بۇزباۋ ءۇشىن الاڭنىڭ سەنىمگەرىمەن تىكەلەي شارت جاساي الادى.
وزگە قوسپالاردان بولىنگەن تازا قۇرىلىس قالدىقتارىن قابىلداۋ 1 توننا ءۇشىن 1300 تەڭگە تاريف بويىنشا جۇرگىزىلەدى.
قالا تۇرعىندارى (جەكە تۇلعالار) كۇنتىزبەلىك جىل ىشىندە قۇرىلىس قوقىستارىن 250 كەلىگە دەيىنگى الاڭعا تەگىن تاپسىرا الادى.
قۇرىلىس قالدىقتارىن قابىلداۋ جانە قايتا وڭدەۋ بويىنشا سانكتسيالانعان الاڭ استانا قالاسى, بايقوڭىر اۋدانى, الاش تاسجولى (استانا-پاۆلودار تاسجولى) مەكەنجايىندا, قتق قالالىق پوليگونىنا قاراما-قارسى ورنالاسقان.
بايلانىس تەلەفوندارى: 8 708 425 65 68, 8 (7172) 25-65-68, info@astanard.kz.
