الداعى قىس كەزەڭىنە دايىندىق شەڭبەرىندە قر توتەنشە جاعدايلار مينيسترلىگى 2013 جىلعى 21-22 قاراشا كۇندەرى «قىس-2013» رەسپۋبليكالىق كوماندالىق-شتابتىق وقۋ-جاتتىعۋىن وتكىزەدى.
اعىمداعى جىلى «قازگيدرومەت» بولجامى بويىنشا قاتتى سۋىق قاتتى بولادى دەپ كۇتىلۋدە. ازاماتتاردىڭ قاۋىپسىزدىگىن توتەنشە جاعدايلارعا جەدەل دەن قويۋعا ازىرلىگىن قامتاماسىز ەتۋ ءۇشىن تجم قىسقى كەزەڭگە دايىندىق بويىنشا كەشەندى جوسپارلى جۇمىس جۇرگىزۋدە. اۋقىمدى سيپات الاتىن «قىس-2013» رەسپۋبليكالىق كوماندالىق-شتابتىق وقۋ-جاتتىعۋ بارىسىندا قىسقى كەزەڭدەگى توتەنشە جاعدايلارعا تولىق دەن قويۋ جۇيەسىنىڭ كۇشتەرى مەن قۇرالدارىنىڭ ازىرلىگىن تەكسەرۋ, سونداي-اق تج-دى جويۋ كەزىندەگى ءوزارا ءىس-ارەكەتتى پىسىقتاۋ جوسپارلانۋدا.
وقۋ-جاتتىعۋعا مۇددەلى ورتالىق جانە جەرگىلىكتى اتقارۋشى ورگاندارى, ونىڭ ىشىندە وبلىستار, استانا جانە الماتى قالالارى توتەنشە جاعدايلاردىڭ الدىن الۋ جانە ولاردى جويۋ جونىندەگى كوميسسيالارى, قازاقستان رەسپۋبليكاسى توتەنشە جاعدايلار مينيسترلىگىنىڭ اۋماقتىق ورگاندارى, ۆەدومستۆولىق باعىنىستى ۇيىمدارى قاتىسۋدا.
وقۋ-جاتتىعۋعا دەيىن قىسقا دايىندىق بويىنشا اۋقىمدى جۇمىس جۇرگىزىلدى.
قىسقى كەزەڭدەگى توتەنشە جاعدايلاردى جويۋ جانە حالىقتىڭ تىنىس-تىرشىلىك قىزمەتىن قامتاماسىز ەتەتىن ۆەدومستۆولار, ۇيىمدار اراسىنداعى ءوزارا ءىس-ارەكەتتەر جونىندەگى جوسپارلار پىسىقتالدى. بارلىق وڭىرلەردە جولدارداعى وقيعالار تۋرالى جەدەل اقپارات جيناۋ بويىنشا مەحانيزمدەر پىسىقتالدى. داعدارىس ورتالىقتارى تاۋلىك بويى اقپاراتتى قابىلداۋ, وڭدەۋ جانە ءتيىستى شەشىمدەر قابىلداۋ بويىنشا جۇمىسقا دايىندالدى. جىلۋ, سۋ, ەنەرگيا كوزدەرىنىڭ ناقتى جۇمىس مونيتورينگى ۇيىمداستىرىلدى.
ءورت قاۋىپسىزدىك ايلىعى ءوتتى, حالىقتى سمس-حابارلاما ارقىلى حاباردار ەتۋ ماسەلەسى پىسىقتالدى. باقىلاۋدا تۇرعان جىلۋ ەنەرگەتيكا وبەكتىلەرىندەگى قازاندىقتاردى جوندەۋ كەستەلەرىن ورىنداۋ بارىسى تۇراقتى باقىلاۋدا تۇر. ەلدى مەكەندەر مەن شارۋاشىلىق وبەكتىلەردى قار كوشكىندەرىنەن قورعاۋ قامتاماسىز ەتىلدى. سۋايدىندارىنداعى مۇزقاتقىلارعا باقىلاۋ جۇزەگە اسىرىلۋدا.
تەمىرجولدار مەن اۆتوجولدارداعى قار باسۋى ىقتيمال ۋچاسكەلەر انىقتالدى. رەسپۋبليكالىق جولداردا جىلىتۋ پۋنكتتەرى دايىندالدى, كۇرە جولدىق مەديتسينالىق-قۇتقارۋ پۋنكتتەرى جۇمىس ىستەيدى, كوكتايعاققا توتەپ بەرەتىن ماتەريالدار دايىندالدى. جول سالاتىن, قارا تازالايتىن جانە قۇتقارۋ تەحنيكاسى پايدالانۋعا دايىن. ەلەكتر ستانتسيالار مەن تۇرعىن ءۇي-كوممۋنالدىق شارۋاشىلىق وبەكتىلەرىندە قىسقى وتىن دايىندالدى. وبلىس ورتالىقتارىندا قۇتقارۋ جۇمىستارىن جۇرگىزۋ ءۇشىن زاماناۋي مەديتسينالىق جابدىقتارمەن جاراقتالعان تىكۇشاقتار كەزەكشىلىك ەتەدى. مەملەكەتتىك ماتەريالدىق رەزەرۆكە جابدىقتار مەن ماتەريالدار, توسەك جابدىقتارى بار قىسقى شاتىرلار, تىنىس-تىرشىلىكتى قامتاماسىز ەتەتىن قۇرالدار (دالا اسحاناسى, پەشتەر, ەلەكتر ستانتسيالار, رادياتورلار, جىلۋ بەرۋ پۋشكالارى), سونداي-اق ارنايى جانە اۆتوموبيل تەحنيكاسى (اۆتوگرەيدەرلەر, شنەكوروتورلى قارا تازالاۋ ماشينالارى, بۋلدوزەرلەر, ەكسكاۆاتورلار, اۆتوساموسۆالدار) سالىندى.
جولداردىڭ قاۋىپتى ۋچاسكەلەرىنە كۇشتەردى ورنالاستىرۋ بويىنشا ەسەپتەر ورىندالدى.
«قىس-2013» وقۋ-جاتتىعۋى شەڭبەرىندە رەسپۋبليكا بويىنشا قىسقى كەزەڭدەگى تج-دى جويۋ بويىنشا ءىس-ارەكەتتەردى پىسىقتاۋ بويىنشا تاكتيكالىق-ارنايى جاتتىعۋلار وتەدى.
وقۋ-جاتتىعۋعا بارلىعى سانى 13 مىڭنان استام ادامدى قۇرايتىن ازاماتتىق قورعانىس جانە توتەنشە جاعدايلار اۆاريالىق-قۇتقارۋ قىزمەتتەرى مەن قۇرىلىمدارىنىڭ 382 بولىمشەسى تارتىلدى, سونداي-اق 3 مىڭ بىرلىك تەحنيكا جۇمىلدىرىلعان.
ۇقساس جاڭالىقتار
Leave a Reply