بۇگىن استاناداعى №4 قالالىق ەمحانادا مەملەكەتتىك رامىزدەر كۇنىنە بايلانىستى سالتاناتتى شارا ءوتتى.
مەملەكەتتىك نىشانداردى قۇرمەتتەۋگە ۇندەگەن مۇنداي شارالار ەمحانادا جىل سايىن وتەدى. بيىل مەديتسينا مەكەمەسى بالالاردىڭ بويىنا وتانشىلدىق سەزىمدى ءسىڭىرىپ, رامىزدەردى قاستەرلەۋگە ۇيرەتۋ ماقساتىندا شارانىڭ باستى كەيىپكەرى رەتىندە №56 مەكتەپتىڭ وقۋشىلارىن شاقىرىپتى.
شارا مەملەكەتتىك انۇرانمەن باستالدى. قاز-قاتار تۇرا قالىپ, ءۇنجازبادان توگىلگەن گيمندى قوسىلا شىرقاعان بالالاردىڭ كوزىنەن ۇلتتىق اۋەنىمىزگە دەگەن قۇرمەتتى بايقادىق. الەمدىك تالاپ بويىنشا, ءانۇران جەڭىل ءارى ماعىنالى, ادامدارعا رۋح بەرەتىندەي بولۋى كەرەك. قازاق ەلىنىڭ ءانۇرانى وسى تالاپتىڭ قاي جاعىنان دا ساي كەلەدى. بالاباقشانىڭ بالدىرعانىنا دەيىن ءتىلى تاقىلداپ, جاتتاپ الاتىنى سوندىقتان.
سالتاناتتى ءان بىتكەننەن كەيىن ءسوز ەمحانانىڭ ساراپشى-دارىگەرى گۇلنار مۇراتبەكقىزىنا بەرىلدى. ول مۇنداي پاتريوتتىق شارانىڭ كوپتەپ وتكىزىلۋى وسكەلەڭ ۇرپاقتىڭ بويىنا وتانسۇيگىشتىك سەزىمدى دارىتاتىنىن ايتا كەلىپ, كەلۋشىلەرگە جىلى لەبىزىن ءبىلدىردى.
بۇدان كەيىن كادر ءبولىمىنىڭ ينسپەكتورى ەلتاڭبا, ءانۇران, تۋدىڭ شىعۋ تاريحى مەن اۆتورلارىن جەتكىنشەكتەرگە تانىستىرا كەلىپ, رامىزدەردى قۇرمەتتەپ جۇرۋگە شاقىردى.
ال جاسوسىپىرىمدەر ءان ايتىپ, ەلدىك نىشاندار جونىندە جاتتاپ كەلگەن ولەڭدەرىن وقىدى.
قىمبات نۇرعالي
