شاكىرتتەر لاتىن قارپىن ۇيرەنىپ ءجۇر

ەلورداداعى №67, 68, 40, 76 جانە 77 مەكتەپتەردە بيىلعى وقۋ جىلىنىڭ باسىنان بەرى وقۋشىلار قازاق ءتىلى ساباعىندا جاڭا لاتىن ءالىپبيىن مەڭگەرىپ ءجۇر.

№76 مەكتەپ-ليتسەي ديرەكتورىنىڭ ورىنباسارى ەرنۇر ومارحانوۆتىڭ ايتۋىنشا, ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنان ەكى مۇعالىم كەلىپ, بىرنەشە اپتا بويى 11-سىنىپ شاكىرتتەرىنە لاتىن قارپىن ۇيرەتىپتى.
– سونىمەن قاتار, ءوز مۇعالىمدەرىمىز دە ارنايى مامانداردىڭ لاتىن ءالىپبيى بويىنشا وتكىزگەن كۋرستارىن تىڭدادى. نەگىزىنەن, لاتىن گرافيكاسىن اپروباتسيالاۋ 4, 9, 10 جانە 11-سىنىپتاردا جۇرگىزىلەدى, – دەيدى.
قازىرگى ۋاقىتتا بۇل ليتسەيدە شاكىرت­تەردىڭ لاتىن قارپىن ۇيرەنۋى ءۇشىن اشىلعان ارنايى كابينەت جۇمىس ىستەيدى. مۇنىمەن قوسا, كىتاپحانادا جاڭا الفاۆيتكە قاتىستى ستەندىلەر ىلىنگەن. قازاق ءتىلى ءپانىنىڭ مۇعالىمدەرى ءار ساباق سوڭىندا بالالارعا لاتىن قارپىمەن كىشىگىرىم ديكتانت, ال جوعارى سىنىپ وقۋشىلارىنا ەسسە جازعىزادى.