استانا قالاسىنىڭ كاسىپكەرلەر پالاتاسىندا شەگىلمەيتىن تەمەكى ونىمدەرىن اكەلۋگە, وندىرۋگە, ساتۋعا جانە تاراتۋعا تىيىم سالاتىن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ نورمالارى ءتۇسىندىرىلدى, دەپ حابارلايدى astana-akshamy.kz.
ەلوردالىق ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭاباەۆ اكىمدىك پوليتسيا دەپارتامەنتىمەن بىرلەسىپ, ەلوردانىڭ 700-گە جۋىق ساۋدا نىسانىنا رەيد جۇرگىزدى. ناتيجەسىندە شەگىلمەيتىن تەمەكى ونىمدەرىن ساتۋدىڭ 145-كە جۋىق فاكتىسى انىقتالدى.
«بۇل فاكتىلەر پوليتسيا دەپارتامەنتىندە تىركەلىپ, كىنالىلەر اكىمشىلىك جاۋاپكەرشىلىككە تارتىلدى. ءبىزدىڭ جۇمىسىمىزدىڭ ناتيجەسىندە بايقوڭىر اۋدانىندا ناسىباي ءوندىرۋ فاكتىسى انىقتالدى. ءبىز بۇل جۇمىستى تۇراقتى نەگىزدە جالعاستىرامىز. قازىر شەگىلمەيتىن تەمەكى ونىمدەرىنىڭ قوسپالارىن تاراتۋ جانە ساتۋ بويىنشا قۇقىق بۇزۋشىلىقتاردى انىقتاۋ قۇزىرەتى پوليتسيا دەپارتامەنتىندە. اكىمدىك تاراپىنان وسى باعىتتا ءتۇسىندىرۋ جۇرگىزىلىپ جاتىر», – دەپ اتاپ ءوتتى ماقسات جاڭاباەۆ.
استانا كاسىپكەرلەر پالاتاسى ديرەكتورىنىڭ ورىنباسارى ابىلايحان كۇيەۋباەۆ وسى جىلدىڭ ناۋرىز ايىندا وتكەن ۇلتتىق قۇرىلتايدا پرەزيدەنت ناسىبايدى پايدالانۋ ماسەلەسىن قوزعاعانىن اتاپ ءوتتى.
«ول جاستارىمىزدىڭ دەنساۋلىعىنا ورنى تولماس زيان كەلتىرەتىن ۆەيپتەردىڭ تارالۋىمەن كۇرەسۋ ءۇشىن جۇيەلى شارالار قابىلداۋ قاجەت ەكەنىن ايتتى. وسىعان بايلانىستى, ءبىز وسى پروبلەمانى جاريا ەتۋ جانە ناسىباي مەن تەمەكى قوسپالارىنىڭ تارالۋى, اكەلىنۋى مەن اينالىمى ءۇشىن جاۋاپكەرشىلىكتى رەتتەيتىن نورمالاردى ءتۇسىندىرۋ ماقساتىندا ەلوردانىڭ قۇقىق قورعاۋ ورگاندارى مەن بيزنەس-قوعامداستىق وكىلدەرىن تارتا وتىرىپ, بريفينگ ۇيىمداستىرۋدى ۇيعاردىق. تىيىم 2015 جىلدان بەرى قولدانىلىپ كەلەدى, بىراق استانانىڭ كەيبىر بازارلارىندا شەگىلمەيتىن تەمەكى ونىمدەرىن ساتۋ ءالى دە جالعاسۋدا. بۇگىن ءبىز بيزنەس-قوعامداستىققا قۇقىقتىق نورمالارعا سايكەستىكتىڭ ماڭىزدىلىعىن جەتكىزۋگە تىرىستىق», – دەدى ابىلايحان كۇيەۋباەۆ.
«زاڭ جانە بيزنەستى قورعاۋ» قوعامدىق بىرلەستىگىنىڭ باسشىسى ءامينا ابدەنوۆا سوت بيزنەسىنىڭ مۇددەلەرىن قورعايدى.
«ءوزىمنىڭ دۇكەنىم بار. ناسىباي مەن باسقا دا شەگىلمەيتىن تەمەكى ونىمدەرىن ساتقانى ءۇشىن جاۋاپكەرشىلىك ماسەلەى ماعان جاقسى تانىس. شەگىلمەيتىن تەمەكى ونىمدەرىن اكەلۋگە, وندىرۋگە, ساتۋعا جانە تاراتۋعا قارسى كۇرەس جۇرگىزۋ كەرەك دەپ سانايمىن. بۇل جۇمىس جان-جاقتى, اسىرەسە بازارلاردا جۇرگىزىلۋى كەرەك. الەۋمەتتىك جەلىلەردە ءتۇسىندىرۋ جۇمىستارىن جۇرگىزۋ, سونداي-اق قۇقىق قورعاۋ ورگاندارىن تارتۋ قاجەت», – دەدى قۇقىق قورعاۋشى.
كەڭەسكە استانا قالاسى پروكۋراتۋراسىنىڭ, پوليتسيا دەپارتامەنتىنىڭ وكىلدەرى مەن كاسىپكەرلەر قاتىستى.
ەستەرىڭىزگە سالا كەتەيىك, رەيدتىك ءىس-شارالار باستالعاننان بەرى ەلوردانىڭ بەس اۋدانىندا 700-گە جۋىق ساۋدا ورنى تەكسەرىلدى. پوليتسيا دەپارتامەنتىنىڭ قىزمەتكەرلەرى اۋدان اكىمدىكتەرىمەن بىرلەسىپ شەگىلمەيتىن تەمەكى ونىمدەرىن, ونىڭ ىشىندە ناسىباي ءوندىرىسى بويىنشا جەراستى تسەحتارىن ساتۋدىڭ 145 فاكتىسىن انىقتادى.
