ەلوردالىق بەس مەديتسينا قىزمەتكەرى تاللين, حەلسينكي جانە تارتۋ قالالارىنىڭ مەديتسينا مەكەمەلەرىندە ون كۇندىك سىناقتان ءوتىپ كەلدى.
ولار داعدارىستىق ورتالىقتار مەن حوسپيستەگى مەيىربيكەلەردىڭ كۇتىپ-باعۋى بويىنشا اۋرۋحانالاردىڭ ۇيىمداستىرۋ جۇمىسىن, سونىمەن قاتار, دەنساۋلىق ساقتاۋ ۇيىمدارىندا مەديتسينالىق-الەۋمەتتىك كومەك كورسەتۋدەگى ەستون جانە فين ارىپتەستەرىنىڭ تاجىريبەسىن زەرتتەدى. ماماندار ەندى وزدەرى ۇيرەنگەن جاڭا ادىستەمەلەردى جۇمىس ورىندارىندا قولدانا باستادى. كوپ ۇزاماي بۇل حالىققا ۇسىنىلاتىن مەديتسينالىق-الەۋمەتتىك كومەك كورسەتۋدى جاقسارتۋعا ىقپال ەتەتىن بولادى.
مەديتسينا قىزمەتكەرلەرىنىڭ بىلىكتىلىگىن ارتتىرۋ, داعدىلارىن جەتىلدىرۋ جانە شەتەلدىك ارىپتەستەرىمەن تاجىريبە الماسۋ ماقساتىندا بيىل تاعى دا استانا قالاسىنىڭ ستاتسيونارلارىندا جۇمىس ىستەيتىن التى دارىگەر مەن مەدبيكەنىڭ سەنت-لۋيس (ميسسۋري, اقش) ۋنيۆەرسيتەتىندە تاعىلىمدامادان ءوتىپ, «اۋرۋلاردى قابىلداۋ ءبولىمىنىڭ جۇمىسىن ۇيىمداستىرۋ» تاقىرىبىنداعى كۋرستارعا قاتىسۋى جوسپارلانعان.
سونىمەن قاتار, توعىز دارىگەر «حيرۋرگيا», «اكۋشەرلىك جانە گينەكولوگيا», «قوعامنىڭ دەنساۋلىعى», «انەستەزيولوگيا جانە رەانيماتولوگيا» ماماندىقتارى بويىنشا وڭتۇستىك كورەيا كلينيكالارىندا وقيتىن بولادى.
