بۇگىن «نۇر وتان» پارتياسى جانىنداعى سىبايلاس جەمقورلىققا قارسى ءىس-شارالار جونىندەگى رەسپۋبليكالىق قوعامدىق كەڭەستىڭ وتىرىسى ءوتتى دەپ حابارلايدى قر دەنساۋلىق ساقتاۋ مينيسترلىگىنىڭ ءباسپاسوز قىزمەتى.
«قر دەنساۋلىق ساقتاۋ مينيسترلىگى سىبايلاس جەمقورلىققا ىقپال ەتەتىن سەبەپتەردى جويۋعا باعىتتالعان جۇيەلى ءىس-شارالار جۇرگىزۋدە. اكىمشىلىك ءىس-شارالاردى ىسكە اسىرۋ, قورىتىندىلار, سەرتيفيكاتتار جانە وزگە دە رۇقساتتاما قۇجاتتارىن بەرۋ, دارىلىك زاتتاردى جانە مەديتسينالىق قوندىرعىلاردى ساتىپ الۋ, دەنساۋلىق ساقتاۋ نىساندارىن سالۋ, پاتسيەنتتەرمەن ءوزارا بايلانىس بارىسىندا تۋىنداۋى مۇمكىن تاۋەكەلدەردى جويۋ ءۇشىن نەگىزگى باعىتتار بويىنشا جەمقورلىققا قارسى ءىس-شارالار تيىمدىلىگىن ارتتىرۋعا باسا كوڭىل بولىنەدى», – دەلىنگەن حابارلامادا.
قر دەنساۋلىق ساقتاۋ مينيسترلىگىنىڭ 2011-2015 جىلدارعا ارنالعان ءىس-شارالار جوسپارى بەكىتىلىپ, سىبايلاس جەمقورلىقپەن كۇرەس جونىندەگى شتاب قۇرىلدى.
سىيبايلاس جەمقورلىق قۇقىق بۇزۋشىلىقتاردىڭ الدىن الۋدا كوللەگيالىق ورگاندار, ونىڭ ىشىندە قر ۇكىمەتى جانىنداعى دەنساۋلىق ساقتاۋ ماسەلەلەرى جونىندەگى ۇلتتىق ۇيلەستىرۋ كەڭەسى, پاتسيەنتتەردىڭ قۇقىقتارىن قورعاۋ جونىندەگى قوعامدىق كەڭەس, قر دەنساۋلىق ساقتاۋ مينيسترلىگىنىڭ القا ءماجىلىسى, ەكونوميكالىق جانە ساراپشىلار كەڭەسى, سىيبايلاس جەمقورلىققا قارسى كوميسسيا جانە جەكەلەنگەن باعىتتار بويىنشا قۇرىلعان جۇمىس توپتارى ەرەكشە ءرول اتقارادى. تۇراقتى جۇمىس ىستەيتىن مۇنداي كوميسسيالار كەلەشەكتە ۆەدومستۆوعا قاراستى بارلىق ۇيىمداردى دا قۇرىلاتىن بولادى. كوللەگيالىق ورگاندار وتىرىستارىندا دەنساۋلىق ساقتاۋ سالاسىن قارجىلاندىرۋ, تاريفتىك ساياسات, قۇقىق بۇزۋشىلىقتار مەن جەمقورلىقتىڭ الدىن الۋ, ستراتەگيالىق جانە باعدارلامالالىق قۇجاتتاردى ىسكە اسىرۋ قورىتىندىلارى, سونداي-اق نورماتيۆتىك قۇقىقتىق قۇجاتتار قاراستىرىلادى.
مەملەكەتتىك ورگاندار قىزمەتى اشىقتىعى ولشەمدەرىنىڭ ءبىرى – ۇكىمەتتىك ەمەس ۇيىمدارمەن ءوزارا ءىس-ارەكەتتەستىك بولىپ تابىلادى. «سالاماتتى قازاقستان» مەملەكەتتىك باعدارلاماسى شەڭبەرىندە الەۋمەتتىك تاپسىرىسقا قارجى ءبولۋ قاراستىرىلعان. 2011 جىلدان بەرى مينيسترلىك 48 ۇكىمەتتىك ەمەس ۇيىمعا 54 مەملەكەتتىك الەۋمەتتىك تاپسىرىس ورنالاستىردى.
سىيبالاس جەمقورلىققا قارسى ورتا قالىپتاستىرۋ ءۇشىن بارلىق ىقتيمال تاۋەكەل ايماقتارى انىقتالدى. ورتالىق اپپاراتتا جانە ۆەدومستۆوعا قاراستى ۇيىمداردا جەمقورلىقتىڭ الدىن الۋ ماقساتىندا زاڭنامامەن قاراستىرىلعان بارلىق قاجەتتى ۇيىمداستىرۋ شارالارى قابىلداندى.
بىرىڭعاي ۇلتتىق دەنساۋلىق ساقتاۋ جۇيەسى ەنگىزىلە باستالعالى ستاتسيونارلار دەڭگەيىندە بىرەگەي تاريفتىك ساياسات ىسكە اسىرىلدى. 2010 جىلدان ەمدەۋگە جاتقىزۋ پورتالى ىسكە قوسىلدى. بۇل پورتال ارقىلى تىركەۋ ناۋقاستىڭ ستاتسيونارعا جاتۋ ءۇشىن دارىگەرلەرمەن الدىن الا كەلىسسوزدەر جۇرگىزۋىنىڭ الدىن الادى. كەزەك اۆتوماتتى تۇردە بەلگىلەنەدى, ونى وزگەرتۋ مۇمكىن ەمەس. ءاربىر ەمدەلۋشى ءوز كەزەگىن عالامتور ارقىلى باقىلاپ وتىرا الادى. وسىلايشا دەنساۋلىق ساقتاۋ جۇيەسىندە ۇردىستەردىڭ اشىقتىعى قامتاماسىز ەتىلدى. حاتتامالار مەن ستاندارتتاردىڭ ارقاسىندا ءاربىر ەمدەلگەن جاعدايدىڭ قۇنى قانشا ەكەنى بەلگىلى. ناۋقاس اۋرۋحانادان شىعۋ قاعازىنا ءوزىنىڭ ەمىنە قانشا اقشا كەتكەنىن كورىپ, قول قويادى.
دارىمەن قامتاماسىز ەتۋ جۇيەسىندە اشىقتىقتىقتى ىسكە اسىرۋ ماقساتىندا رەسپۋبليكانىڭ بارلىق وڭىرلەرىندە اۆتوماتتاندىرىلعان دارىمەن قامتاماسىز ەتۋدىڭ اقپاراتتىق جۇيەسى ەنگىزىلدى. ول دارىگەرلەردىڭ رەتسەپتتى جازۋىن, ءاربىر ناۋقاستىڭ بەلگىلەنگەن ءدارىنى الۋىن ناقتى باقىلاپ وتىرۋعا مۇمكىندىك بەرەدى. وتىنىشتەردىڭ كوپشىلىگى سول جەردە قاراستىرىلىپ, شەشىمىن تابادى.
2013 جىلدان باستاپ قر دەنساۋلىق ساقتاۋ ءمينيسترى «نۇر وتان» پارتياسىنىڭ ورتالىق اپپاراتى قوعامدىق قابىلداۋىندا ازاماتتاردى جەكە ماسەلەلەرى بويىنشا قابىلداۋ جۇرگىزەدى. قاجەت بولعان جاعدايدا تەكسەرۋلەر جۇرگىزىلەدى.
2011 جىلدان باستاپ ۆەدومستۆونىڭ جەتەكشىلەر قۇرامىن الماستىرىپ وتىرۋ تاجىريبەسى ەنگىزىلدى. بۇگىنگى كۇنگە دەيىن 33 قىزمەتكەر ورنىن اۋىستىردى, ونىڭ ىشىندە 18-ءى مەديتسينالىق قىزمەتكە اقى تولەۋ كوميتەتى, 15 قىزمەتكەر مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنە قاراستى.
سىبايلاس جەمقورلىقتى جويۋ ءۇشىن بىلىكتىلىك ساناتتارىن بەرۋ تەتىگى وزگەرتىلدى. اڭگىمەلەسۋدىڭ ورنىنا حالىقارالىق تاجىريبەگە ساي بىلىكتىلىكتەرى تەكسەرىلەدى.
سونىمەن قاتار, مينيسترلىك قىزمەتتەر كورسەتۋدى وڭتايلاندىرۋ جانە اۆتوماتتاندىرۋ جۇمىستارىن جۇرگىزۋدە. بۇگىنگى تاڭدا 25 مەملەكەتتىك قىزمەتتىڭ 18-ءى اۆتوماتتاندىرىلدى.
مەديتسينالىق تەحنيكانى جوسپارلاۋ جانە ساتىپ الۋدىڭ جاڭا جۇيەسى ەنگىزىلدى. ناتيجەسىندە بۇگىندە ساتىپ الۋ شارالارىنىڭ اشىقتىعى, جوسپارلاۋ ساپاسى ارتتى. مينيسترلىك, دەنساۋلىق ساقتاۋ ۇيىمدارى, جەرگىلىكتى ارقارۋشى ورگاندار, «قازمەدتەح» اق, «سق-فارماتسيا» جشس اراسىندا جوسپارلاۋ, ازىرلەۋ, ۇيىمداستىرۋ جانە ساتىپ الۋ ىسىندە مىندەتتەر ءبولىنىپ, ايقىندالدى.
