استاناداعى «Barys City» تۇرعىن ءۇي كەشەنىنىڭ ەكىنشى قاباتتاعى پاتەردىڭ بالكونىنان ءورت شىقتى.
ەلوردالىق تجد ءباسپاسوز قىزمەتى ءمالىم ەتكەندەي, ءورت ءسوندىرۋ قىزمەتىنە بۇگىن ساعات 08.28-دە تۇران داڭعىلىنداعى «Barys City» تۇرعىن ءۇي كەشەنىندە ءورت بولىپ جاتقانى تۋرالى حابار كەلىپ تۇسەدى. وقيعا ورنىنا جەتكەن ءورت سوندىرۋشىلەر ەكىنشى قاباتتاعى پاتەردىڭ بالكونى جانىپ جاتقانىن انىقتادى.
«قاتتى ءتۇتىن بولدى. جەدەل جانە ۇيلەسىمدى ءىس-قيمىلدىڭ ناتيجەسىندە قۇتقارۋشىلار تۇرعىنداردى ەۆاكۋاتسيالاۋعا كىرىستى. 16 ادامدى ەۆاكۋاتسيالادى. ونىڭ 6-ۋى – بالا. ساعات 09:10-دا ءورت ءسوندىرىلدى, زارداپ شەككەندەر جوق. ءورت 20 شارشى مەتر اۋماقتى شارپىعان. ءورتتى سوندىرۋگە 12 قىزمەتكەر مەن 3 تەحنيكا جۇمىلدىرىلدى» دەپ حابارلادى استانا قالالىق تجد ءباسپاسوز قىزمەتى.
ءتىلسىز جاۋ ۋاقىتىلى قۇرىقتالىپ, ادام شىعىنى ورىن العان جوق.
