استانا قالالىق ءماسليحاتىنىڭ كەزەكتى سەسسياسىنا ازىرلىك اياسىندا ءماسليحات دەپۋتاتتارى قازاقستان رەسپۋبليكاسىنىڭ ىشكى ىستەر مينيسترلىگى استانا قالاسىنىڭ جول-پاترۋلدىك پوليتسيا پولكىندە بولدى.
دەپۋتاتتار جەكە قۇراممەن جانە قۇرىلىمنىڭ جۇمىسقا قاجەتتى زاماناۋي تەحنيكالىق جابدىقتارىمەن تانىسىپ, ءتارتىپ قورعاۋ قىزمەتىن جاقسارتۋعا قاتىستى ۇسىنىستارىمەن تانىستى.
سونىمەن بىرگە, دەپۋتاتتار ەسىل اۋدانىنىڭ №13 جەرگىلىكتى پوليتسيا قىزمەتىنىڭ جۇمىس بارىسىمەن تانىستى.
قازىرگى ۋاقىتتا جەرگىلىكتى پوليتسيا قىزمەتى تۇرعىندار اراسىندا ۋچاسكەلىك پوليتسەيلەردىڭ جاعىمدى ءيميدجىن قالىپتاستىرۋعا اسا ءمان بەرىپ وتىر. ازاماتتارمەن سەنىمدى قارىم-قاتىناس ورناتىپ, قۇقىق بۇزۋشىلىقتاردىڭ الدىن الۋ بويىنشا وزدەرىنە بەكىتىلگەن اكىمشىلىك ۋچاسكەلەرىنىڭ جۇمىسىن جانداندىرۋ مىندەتتەلگەن. №13 پوليتسيا ۋچاسكەسى ساۋران كوشەسىندەگى 9-ءۇي مەكەنجايىندا ورنالاسقان. 70-تەن اسا قىزمەتكەردىڭ جارتىسىنا جۋىعى ۋچاسكەلىك پوليتسيا ينسپەكتورى ەكەن. 19 يۋۆەنالدى جانە تابيعات قورعاۋ ينسپەكتورلارى دا بار.
مەملەكەت باسشىسىنىڭ قوعامدا ءتۇرلى قۇقىق بۇزۋشىلىققا «نولدىك توزبەۋشىلىك» قالىپتاستىرۋ جونىندەگى تاپسىرماسىنا سايكەس قۇقىق قورعاۋ ينسپەكتورلارى وسى قاعيداتتىڭ ىسكە اسىرىلۋىن باستى نازاردا ۇستاپ كەلەدى. سونىڭ ناتيجەسىندە سوڭعى بەس ايدا
7 709 اكىمشىلىك قۇقىق بۇزۋشىلىق انىقتالعان. ونىڭ ىشىندە ءتۇن تىنىشتىعىن بۇزۋ, قوعامدىق ورىنداردا ماس كۇيىندە ءجۇرۋ, ارنايى بەلگىلەنبەگەن ورىنداردا شىلىم تارتۋ, اينالانى لاستاۋ سياقتى ۇساق قىلمىستار بار.
ەسىل اۋدانى ايماعىندا 14 ورتا ءبىلىم بەرۋ مەكەمەسى ورنالاسقان. ونىڭ بارلىعىنا مەكتەپ ينسپەكتورلارى بەكىتىلگەن. تابيعات قورعاۋ ينسپەكتورلارىنىڭ جۇمىسى دا جەمىسىن بەرىپ كەلەدى. ۇستىمىزدەگى جىلدىڭ باسىنان بەرى قورشاعان ورتانىڭ ساقشىلارى 642 قۇقىق بۇزۋشىنى انىقتاي كەلە, اكىمشىلىك جاۋاپقا تارتىپ, 9 162 720 مىڭ تەڭگە ايىپپۇل سالعان. سونداي-اق, اۋلا تازالىعىن قامتاماسىز ەتپەگەن 31 پيك جەتەكشىسىن دە اكىمشىلىك جاۋاپقا تارتقان.
قالانىڭ قۇقىق قورعاۋ سالاسى بويىنشا تولىق اقپارات العان دەپۋتاتتار پوليتسەيلەردىڭ الەۋمەتتىك جاعدايىنا قاتىستى سۇراقتارىن قويدى. الدا جوسپارلانىپ وتىرعان استانا قالاسى ىشكى ىستەر دەپارتامەنتى جەرگىلىكتى پوليتسيا قىزمەتى باستىعىنىڭ ەسەبى تىڭدالاتىن كەزەكتى سەسسيا وتىرىسىندا وسى سالاعا قاتىستى بارلىق ۇسىنىستار ايتىلاتىن بولادى.
ايگۇل ۋايسوۆا
