تاجىكستانداعى قازاقستاندىق مەديتسينا كۇندەرى اياسىندا ەلورداسىنداعى تراۆماتولوگيا جانە ورتوپەديا عىلىمي-زەرتتەۋ ينستيتۋتىنىڭ جەتەكشى ماماندارى دۋشانبە قالاسىندا ەكى ماستەر-كلاسس جانە ۇلگىلى وپەراتسيا جاسادى.
ەكىكۇندىك ءىس-شارانىڭ ماقساتى – قازاقستان جانە تاجىكستان دەنساۋلىق ساقتاۋ جۇيەلەرى اراسىنداعى ىنتىماقتاستىقتى نىعايتۋ, ەكى ەلدىڭ ءوزارا قاتىناسىن كەڭەيتۋ, ءبىلىم جانە تاجىريبە الماسۋ.
ءىس-شارا فورۋمنان باستالىپ, فورۋم بارىسىندا 30-دان استام قازاقستاندىق دەلەگاتتار وتاندىق دەنساۋلىق ساقتاۋ سەكتورىندا رەفورمالار تۋرالى پرەزەنتاتسيالار جاسادى. تاجىك ارىپتەستەر يننوۆاتسيالارمەن جانە ۇزدىك تەحنولوگيالارمەن تانىسۋعا, سۇحبات الاڭدارىنا قاتىسۋعا جانە تراۆماتولوگيا, ونكولوگيا, كارديوحيرۋرگيا, نەيروحيرۋرگيا, رەپرودۋكتولوگيا سالالارىندا زاماناۋي تەحنولوگيالاردى قولدانۋ, مەديتسينالىق ءتۋريزمدى دامىتۋ, دەنساۋلىق ساقتاۋ سالاسىن تسيفرلاندىرۋ ماسەلەلەرىن تالقىلاۋعا مۇمكىندىك الدى.
فورۋم بارىسىندا تراۆماتولوگيا جانە ورتوپەديا عىلىمي-زەرتتەۋ ينستيتۋتىنىڭ ديرەكتورى پروفەسسور نۇرلان باتپەنوۆ جانە ءابۋ-ءالي يبن سينا اتىنداعى تاجىك مەملەكەتتىك مەديتسينالىق ۋنيۆەرسيتەتىنىڭ رەكتورى م. گۋلزودا مەن تراۆماتولوگيا جانە ورتوپەديا رەسپۋبليكالىق كلينيكالىق ورتالىعىنىڭ ديرەكتورى ب.گانيەۆ بىرلەسكەن عىلىمي, كلينيكالىق جانە ءبىلىم بەرۋ قىزمەتى سالاسىندا ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويدى. ەكى ەلدىڭ مەديتسينالىق ۇيىمدارى اراسىنداعى ءوزارا تۇسىنىستىك ەكى مەملەكەت ازاماتتارىنا مەديتسينالىق كومەك كورسەتۋ ساپاسى مەن قولجەتىمدىلىگىن قامتاماسىز ەتۋ ماقساتىندا دياگنوستيكالاۋ مەن ەمدەۋدىڭ يننوۆاتسيالىق ادىستەرىن ەنگىزۋگە باعىتتالعان بىرلەسكەن جوبالاردى جۇزەگە اسىرۋعا كومەكتەسەدى. ينستيتۋت مەديتسينالىق ءتۋريزمدى دامىتۋعا, مەديتسينالىق جانە ءبىلىم بەرۋ قىزمەتتەرىن دامىتۋعا نيەت ءبىلدىرىپ وتىر.
توعزي دارىگەرلەرى تاجىكستان تراۆماتولوگيا جانە ورتوپەديا رەسپۋبليكالىق كلينيكالىق ورتالىعى بازاسىندا 3 دارەجەلى ديسپلازيالىق كوكسارتروز بولعان جاعدايدا ۇرشىقبۋىندى ەندوپروتەزدەۋ بويىنشا ءبىر ۇلگىلىك وپەراتسيا جاسادى, سكوليوزدى تۇزەتۋ جانە ومىرتقا باعانى جاراقاتتارىن حيرۋرگيالىق جولمەن ەمدەۋ بويىنشا ەكى سەمينار وتكىزدى.
ءىس-شارا اياسىندا قازاقستاندىق ماماندار دۋشانبە قالاسىنىڭ 10 مەديتسينالىق ۇيىمدارى بازاسىندا ءوزارا تۇسىنىستىك پەن ىنتىماقتاستىق تۋرالى 20-دان استام مەموراندۋمعا قول قويۋدى, ۇلگىلىك وپەراتسيالار كورسەتىلەتىن ماستەر-كلاستار جانە تەگىن كونسۋلتاتسيالار بەرۋدى جوسپارلاپ وتىر.
تاجىكستانداعى قازاقستاندىق مەديتسينا كۇندەرى الداعى ۋاقىتتا سىندارلى جانە ءوزارا ءتيىمدى ىنتىماقتاستىق ءۇشىن تاجىريبە الماسۋ, عىلىمي جانە ىسكەرلىك بايلانىستار ورناتۋ الاڭىنا اينالادى.
