بيىل «قازاقستان حالىق بانكى» اق-نىڭ قۇرىلعانىنا 90 جىل تولىپ وتىر. ەلىمىزدىڭ قارجى سالاسىنداعى ايتۋلى مەكەمە باسشىلىعى ءوز مەرەيتويىنا وراي ىرگەلى شارالار لەگىن باستاپ كەتتى. اتاپ ايتقاندا, «حالىقتىق ونەر» باعدارلاماسى اياسىندا رەسپۋبليكانىڭ ءار ايماعىندا قايىرىمدىلىق شارالار وتكىزىلدى.
بانكتىڭ ەل ىشىندە جۇرگىزىپ جاتقان يگى شاراپاتىن ەلوردامىز – استانا تۇرعىندارى دا كورگەنىنە كۋا بولدىق. ايتار بولساق, ءجۇزدەگەن استانالىقتار «الاۋ» مۇز ايدىنىندا تەگىن كونكي تەۋىپ, بوي سەرگىتۋگە مۇمكىندىك السا, اتالمىش بانك ۇجىمى ۇيىمداستىرعان «حالىق ستارتى» اتتى ويىنعا قالاداعى مەكتەپ وقۋشىلارى, بالالار ۇيلەرىنىڭ تاربەلەنۋشىلەرى تارتىلدى. ءارتۇرلى جارىستاردا جۇلدەگەر بولىپ تانىلعان بالالار سىي-سياپاتقا يە بولىپ, مارە-سارە بولىپ تاراستى.
وسىنداي يگى شارانىڭ ءبىرى جاقىندا ەلوردامىزداعى «تىلەپ قوبىز» سارايىندا جالعاستى. بۇل جولى «حالىق ونەرى» باعدارلاماسى اياسىندا بانكتىڭ دەمەۋشىلىگىمەن اتالمىش سارايدىڭ «كوك تۇركىلەر» فولكلورلىق ءانسامبلى كوپشىلىككە ءوز ونەرىن ۇسىندى. كونتسەرتكە ارنايى شا-قىرىلعان قوناقتار قاتارىندا بانك كليەنتتەرى: ارداگەرلەر مەن زەينەتكەرلەر, مەكتەپ مۇعالىمدەرى مەن اق حالاتتى ابزال جاندار, ياعني مەديتسينا قىزمەتكەرلەرى بولدى.
كوپشىلىكتى مەرەيتويىمەن ورتاقتاسۋعا شاقىرعان «حالىق بانكىنىڭ» باسشىلىعى وسىنداي قىزىقتى باسقوسۋلار الداعى ۋاقىتتا دا جالعاساتىنىن جەتكىزدى. ەلىمىزدىڭ قارجى نارىعىندا كوشباسشى قۇرىلىم رەتىندە تانىلىپ وتىرعان بانكتىڭ قىزمەتىنە كوپشىلىك قازاقستاندىقتار سەنىممەن قارايتىنى وسى مەرەيتويلىق شارالار بارىسىندا ايقىن اڭعارىلدى.
شىن مانىندە «قازاقستاننىڭ حالىق بانكى» اق جىل وتكەن سايىن ەلىمىزدىڭ بارلىق ايماقتارىندا قىزمەت كورسەتۋ جەلىسىن كەڭەيتىپ وتىر. بانك قارجىلىق تۇرعىدا وتكەن جىلدى تابىستى اياقتاپ, جاقسى كورسەتكىشتەرگە قول جەتكىزە ءبىلدى. وسىنىڭ ءبارى اينالىپ كەلگەندە «قازاقستاننىڭ حالىق بانكى» ەل ازاماتتارىنىڭ مۇددەسىن قولدايتىن شىن ءمانىندەگى حالىقتىق قارجى ۇيىمىنا اينالعانىن بىلدىرەدى.
«قازاقستان حالىق بانكى» اك-تسيونەرلىك قوعامى 90 جىلدىق مەرەيتويىنا ارنالعان شارالار-دى بيىلعى جىلدىڭ قازان ايىنا دەيىن جالعاستىرماق. ياعني, بەرەكەسى ارتقان بانكتىڭ باستاماسىمەن, دەمەۋشىلىگىمەن وتەتىن قايىرىمدىلىق شارالار ءالى دە وتە بەرمەك. وسىلايشا, بانك كليەنتتەرى ءۇشىن قىزىقتى دا, سىيلىقتى دا بولاتىن شاراپاتتى شارالار ۇزىلمەك ەمەس.
«قازاقستاننىڭ حالىق بانكى» اق تاريحىنان سىر تارتساق, اتالمىش مەكەمە بۇرىنعى «جيناق بانكىنىڭ» نەگىزىندە قايتا قۇرىلعان, ءبىراز جىلدار ۇكىمەتتىڭ زەينەتاقى مەن جاردەماقى تولەۋ ءجونىندەگى اگەنتى بولىپ كەلدى. 2001 جىلى جۇرگىزىلگەن جەكەشەلەندىرۋ ناتيجەسىندە بانك ءوز كليەنتتەرىنە كەڭ اۋقىمدى جانە بارىنشا ساپالى قىزمەتتەر سپەكترىن ۇسىنۋ مۇمكىندىگىن الدى.
جالپى شىعارىلعان كارتوچكالار سانىنىڭ كۇن سايىن كوبەيە ءتۇسۋى سول كوشباسشىلىقتىڭ ايعاعى دەۋگە بولادى.
عالىم قوجابەكوۆ
