جاڭالىقتار
تۋ كوبەيدى, ءولىم ازايدى
استانا حالقىنىڭ سانى 2013 جىلدىڭ 1 قازانداعى كورسەتكىشى بويىنشا 804 474 ادام بولدى.
«جىل باسىمەن سالىستىرعاندا, استانا قالاسىنداعى حالىقتىڭ جالپى سانى 26 276 ادامعا كوبەيدى» دەپ حابارلايدى استانا قالاسى ستاتيستيكا دەپارتامەنتى. بيىلعى جىلدىڭ 9 ايىندا جالپى قالا بويىنشا 16 315 ءسابي دۇنيەگە كەلگەن, بۇل وتكەن جىلدىڭ سايكەس كەزەڭىمەن سالىستىرعاندا 12,5 پايىزعا كوپ. سونىمەن قاتار, حالىقتىڭ تابيعي ءوسىمى دە وتكەن جىلعى قاڭتار – قىركۇيەك ايلارىمەن سالىستىرعاندا 15,8 پايىزعا كوتەرىلدى جانە 13 724 ادامدى قۇرادى. وسى ارالىقتا قالا بويىنشا 2 591 ادام قايتىس بولدى, بۇل 2012 جىلعى قاڭتار – قىركۇيەكتەگى كورسەتكىشتەن 2,3 پايىز از.